كيف الحال جميعااا …
ما كنت ناويه اكتب واطلع الي بخاطري بس ما ادري ما قدرت اكتم اكثر ..وفكرت قلت يمكن احصل نصيحه تساعدني بحياتي ….
المهم بدخل بالموضوع :
شو رايكم بالناس الي ما يبين بعينهم شي رغم كل التضحيات والتعب عشانهم …يعني انا اعيش مع ناس
يعاملوني حسب المزاج واحيانا يسمعوني كلام جارح وفوق هذا كله اسكت ولا ارد بكلمه من باب
الاحترام …احترم الكبير والصغير اساعد كل شخص اشتري الهدايا واهديهم عشان تزيد المحبه بس للأسف عمرهم ما ذكروني بشي …
اذا دخلت غرفتي وطلعت بعدين بشوف المزاج متغير علي والمقصد مالي حق ادخل واسكر الباب على نفسي …
مالي خصوصيه ومالي رأي دووم رأيي مسلوب كلمتهم تمشي اي مشكله تصير صغيره او كبيره بتكون فوق رأسي …
مرض الزوج انا السبب فيه وانا اتحمل المسؤؤليه >>ليش المرض من ربي مش مني انا …
انا لازم اخدم الكل وبناتهم كبار يالسات ع التلفزيون او راقدات وانا عادي اتعب من الوقفه مب مشكله بس المشكله لكبيره والعصبيه اذا ما اكلن شي ….الخدم لازم انا اساعدهم عشان ما يقولن بنسافر رغم انهن ما يخدمني بشي …وراعيات البيت مرتاحات ..بس خاطري افهم هالشي عادي ولا انا مكبره الموضوع …
في اشياء وايد شو بقول وشو بخلي الله يعين كل مسلم ومسلمه
مب لهالدرجه فيه ناس جي!
الغاليه عليج بنفسج وبس
تخدمين بمزاج وتييبن هدايا بمزاج
واللي يحطج بعينه حطي ع راسج واللي
يبوز عليج من غير سبب طبيه ولا تسوين له سالفه
ربي يكون في عونج ^^
مجرب غاليتي عليك بالصبر ثم الصبر ثم الصبر وطنشي ولا كانك سمعتي او شفتي شي …واذا حسيتي بضيق الجئي
الى الله سبحانه وتعالى واشغلي نفسك بحفظ القران زي ما كنت بعمل ودائما استغفري ربك واكيد اكيد الوضع راح
يتغير باذن الله تعالى … الله يفرج همك حبيبتي وهديهم ياااارب …
بس نصيحة لج لا تكوني طيبة وايد من اللازم ولا تكوني شرانية وايد
سوي اللي عليج اللي انتي تقدرين عليه مو تحملين شي اكثر من طاقتج
والله بجازيج ان شاء الله
غاليتي 
عاملي الناس بالطيب
واعلمي ان رب العالمين لا يضيع أجر أحد
انتي يوم تحسنين للناس هذا من خلقج وليس طمعا في رضاهم
لإن رضى الناس غاية لا تدرك ..
خلي رضى الله هدفك
وكل شي ثاني بيهون ان شاء الله
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه