شحالكم بنات عساكم بخير وسهاله
بغيت افضفض لكم وبدخل في الموضوع
انا عندي صديقه اعتبرها اختي لها مواقف كبيره وايد معاي ووقفات ما تنسى بس عيبها لسانها شوي يعني
والحين هي زعلانه والموقف هو :
انا في يوم من الايام كنت متضايقه حيل وكانت عندي مشكله كبيره وطرشت برودكاست لا تطرشون اي برودكاست يا بنات وهي لا تطرش رديت طرشت مره ثانيه لا تطرشون برودكاست بليز هي زعلت وسمعتني كلام جارح وايد ( انتي مريضه نفسيا وانتي تجاريه وانتي بتـ….. ولا تضايقيني في سفرتي وخواتي والبنات شنو بيفكرون عنج وانا مستحملتج ) وايد كلام عور قلبي كل هذا على هالموقف .. انتوا شرايكم ؟؟؟
ودايما هي الصح وانا الغلط اي شي اختاره مب حلو اي شي اقرره ما ينفع وكل شي لازم يصير بامرها وشورها وتقوم القيامه اذا سويت شي من دون علمها او شريت شي وما قلت لها عنه وكل اختياراتي ما تعجبها ودايما هي الانيقه اللي تعرف كل شي .
بليز بنات انا فضفضت ابغي اشوف من الغلطان فينا فرجاء خاص اللي عندها كلام جارح سواء لي او لها رجاء رجاء خاص تحتفظ فيه لنفسها واللي عندها نصيحه اتقبله بكل صدر رحب
بليز مره ثانيه اللي بتطنز او بتقول اي شي او اي تلميح تحتفظ فيه لنفسها او تقوله بلسانها ولا تكتبه
تدخل فكل شيء و لا غيه وجودج. و متحكمه فيج
و انتي ما عندج سالفه عاطتنها ويه
المووقف الاول يمكن انتي غلطانه يعني لما تكوني مضاايجه هب معناته تروحين وتقولين للي وياج لاطرشون برودكاست وهالاموور هي ربيعتج ياحليلها واكيد بنفسها بتقوول ليش ماتبانا انطرش انتي دامج مضاايجه لاتشوفين البي بي بالمره,,,خليه بصوب لين تهدين,,
الموااقف الثانيه صراحه على طاري الذووق والشراء سبحان الله نفسي انا وربيعتي عادي اختي اتحميلها لانكن بالنهايه خووات وربع وماتستغنن عن بعض وبروحج قلتي ,,عادي مشي الاموور .
والله يحفظكم لبعض يارب
وسامحيني اذا غلطلت عليج^^
المشاركة الأصلية كتبت بواسطة اللآلئ 
تدخل فكل شيء و لا غيه وجودج. و متحكمه فيج
و انتي ما عندج سالفه عاطتنها ويه
هلا اختي ومشكوره على المرور انا مب سالفة اني اسمعها وانفذ كلامها بالعكس لي شخصيتي المستقله
المشاركة الأصلية كتبت بواسطة فتاه صابره
المووقف الاول يمكن انتي غلطانه يعني لما تكوني مضاايجه هب معناته تروحين وتقولين للي وياج لاطرشون برودكاست وهالاموور هي ربيعتج ياحليلها واكيد بنفسها بتقوول ليش ماتبانا انطرش انتي دامج مضاايجه لاتشوفين البي بي بالمره,,,خليه بصوب لين تهدين,,
الموااقف الثانيه صراحه على طاري الذووق والشراء سبحان الله نفسي انا وربيعتي عادي اختي اتحميلها لانكن بالنهايه خووات وربع وماتستغنن عن بعض وبروحج قلتي ,,عادي مشي الاموور .
والله يحفظكم لبعض يارب
وسامحيني اذا غلطلت عليج^^
حبيبتي كانت فيه مشكله وكنت اتواصل مع راعيتها فالبي بي وكل دقيقه يطرشون اشياء سخيفه الا شاور تايم و حمام تايم و حب تايم و اكل تايم ومادري شنو فاعصابي انشدت زياده فقلت لهم بليز لا تطرشون شي عشان بس انتبه لصاحبة المشكله وهي ماكانت تبا تقول لي شي هي تعرف مابردها اذا تبا تقول شي بس هي تبا تسوي اللي تباه وهي بس اللي تتضايق اما الناس لا ما يتعبون نفسيا وهي فقط اللي عندها مشاكل كبيره وغيرها لا
اختي انا ماقلت اني زعلت منها او قطعتها بس هي زعلانه وانا بالرغم من كلامها الجارح راضيتها بس لين الحينه زعلانه و تكلمني باسلوب شوي مستفز
مسموحه فديت روحج
المشاركة الأصلية كتبت بواسطة دمعة_الفرح اختي انا ماقلت اني زعلت منها او قطعتها بس هي زعلانه وانا بالرغم من كلامها الجارح راضيتها بس لين الحينه زعلانه و تكلمني باسلوب شوي مستفز
مسموحه فديت روحج
ههههههههه اذا السالفه شاور تايم وغيره عيل احسن مايرسلون يمكن انا فهمت غلط الغاليه والسمووحه
المووقف الثاني مررررره اقولج تراه نفسي انا وربيعتي ياسبحان الله ..خليها بروحها بترضى واذا مارضت كوني انتي الاحسن وابدي والاموور طيبه فديتج وربي يسعدكن
المشاركة الأصلية كتبت بواسطة فتاه صابره المووقف الثاني مررررره اقولج تراه نفسي انا وربيعتي ياسبحان الله ..خليها بروحها بترضى واذا مارضت كوني انتي الاحسن وابدي والاموور طيبه فديتج وربي يسعدكن
فديتج مسموحه وانا بدت بالصلح وراضيتها هي ما تبا براحتها يالغلا