هالموضوع دوووم يثير النقاش الحاد بيني وبين زوجي او خواتي
انا ضد اني استقبل عيال غيري لمدة طويله يعني اسبوع او اكثر
وحده من اهلي بتسافر مع زوجها وما عندها مجال تسفر عيالها وتبي تخلي عيالها عندي
ماشالله عددهم سته اعمارهم مابين 16 -3 سنوات
لمدة عشر ايام الام والاب بيغيبون
اولادها كبار وبناتها كبار وزوجي مو محرم علي بناتها ولا عيالها محارم لبناتي
وكلنا عارفين ان هالفتره من الصيف الواحد يبي يطلع يغير جو ويونس عياله
انا اشوفها صعبه وما تجوز اصلا
الله يسامح اللي يعطون افكار للبنات ويقولون لهم سافروا واستانسوا وخلوا عيالكم عند حد من الاهل
ترا البلاوي والمصايب تصير اذا الام غفلت عن عيالها
انا سويتها كذا مره اني ابات بس لان ريلي يحن ويزن وبخاطري اكون مضاااااايجه
رغم انهم يكونون عند امي او امه لكن بعدما أأمن خصوصا ان بنتي كبرت شوي واتيها الدوره
احسها مسؤوليه والله ما ادري علي شو يسهرون او شو يسوون
هل انتو مع او ضد هالموضوع
لاقدر الله الصغارية صار فيهم شي منو اللي بيتحمل مسؤوليتهم
اشيا وايده حطيها فبالج قبل لا تشلين عيالهم
لاتنسي عندج بنات فالبيت
ربي يوفقج حبوبه
شخصيا ما اشوف فيها شي
وان ما كنت عون لأهلي عيل لمنو ^^
طبعا بشروط اذا كانو الأولاد أو البنات كبار
وخاصـة اذا كانو أولاد كبار وأنا عندي بنات بتحفظ شوية
واحترام الحرمـات شي أساسي
أما اذا الكل صغير وبعدهم فيهم براءة الطفولـة ^^
بستقبلهم برحابـة صدر
تراني مثل أمهم وما بقصر وياهم
وما بينقص مني شي ان طلعتهم معاي واستانسو وياي ما بيخترب صيفي ولا طلعتي
وإختلاف الرأي لا يفسد في الود قضيـة ^^
عيالها عند الناس حتى لو من أهلهم وبالنسبه الي أنا ما اتركي عيالي الأ عند أمي حتى عمتي ما أخلي عندهاوما اتركهم الا اذا اسير الشغل بس ما اتصور أني ممكن اتركهم واسافر لمكان وأنام بعيده عنهم ما بتصور اقدر ارقد اذا ما اطمن عليهم ربي يحفظهم ويخليهم