شحاالكن خواتي
بكملكم شوو صاار ودمووعي ع خدي وتسلم كل وحده دشت الموضوع ودعت لي او تواصلت معاي
وكل الشكر لربيعتي لانها عطتني العضويه مالتها اشارك فيها .. وهي اللي يالسه تكتب لكم الكلام لاني ما اقدر اكتب وخلال الموضوع بتعرفون السبب
هاذيل الروابط للموضوع الاول والثاني
https://forum.uaewomen.net/showthread.php?t=994040
https://forum.uaewomen.net/showthread.php?t=999513
انا سويت كل اللي قلتولي عليه حطيت قران وقمت الليل وقمت ارقي نفسي وولدي واستغفر كل ما لقيت وقت .. وخبرت عمتي تقول لعمي عشان يخلي المطوع يقرا علي بعد انا .. طبعا فهالفتره ماخليت ريلي يقرب مني لاني انا ناافره منه وعمتي تقوله اني حامل وما اطيق ريحته وهو مش مقتنع بس خلاني ع راحتي وكان زعلان مني ومنقهر لاني ما قلتله اني حاامل .. وبعد يومين يا المطوع وقرا علي انا وريلي كنت احس بشي مثل الدخان بصدري وكنت اكح وعيوني احمرت واحس بوخز فجسمي .. بعدين قالي المطوع ان اكثر من عين صايبتني ويبالي فتره لين اتشافى .. ولله الحمد داومت ع قرايه القران والرقيه من الشيخ وقمت احس اني احسن من قبل ..
طول هالفتره كان ريلي ما يقرب صوبي حتى السلام ما يسلمه ولما بديت ابين له اني ابيه يسولف معاي ويقعد معاي مثل قبل يسوي عمره ما يفهم ويقوم ويروح عند حرمته الثانيه وهي تسويلي انواع واشكاال الغيااض ابسط مثال مره كان العشا تخيلو يايبين عشا من برع ولا افتكرو فيني ولا فولدي لان محد كان فالبيت غيرنا وراح شل العشا ودخل هو وحرمته الغرفه والله انقهرت من هالحركه ويلست الصبح تقول لعمتي انها تعشت احلى عشا وان ريلي اكلها بايده ومن هالحركاات والله صدق انقهرت من داخلي بس كنت ابين لها اني عادي ومافي اي شي يهزني ..
اخر الشهر اللي طاف دخل ريلي البيت وهو يصارخ وفرحان ويصفر وراح وحب راس ابوه وقاله مبروك ياينك الولد انا كل فكري يتكلم عني بس طلعت حرمته الثانيه حامل وانا انصدمت كيف يجذب علي ويقولي انه ما يصكها وفالاخير تطلع حامل .. والله تميت يومين ما اطلع من غرفتي وكله اصيح ومن اقوم يغمى علي وودتني عمتي المستشفى وحطولي مغذي ولما رجعت البيت انفجعت من الخاطر
تخيلو يقولي تبين تذبحين ولدي لو تبين تموتين موتي بس قبل هاتي ولدي وعقب موتي والله تميت اصيح ماعرف من وين يته هالقسوه كلها ..
يوم السبت كنت واعيه من الفير وطلعت عند الزرع شوي يلست ورجعت داخل بس قبل لا ادخل لقيت حرمته يايه وتتمخطر عداالي وتقولي ترا هاي اخر فتره لي على ذمت ريلي وبتخليه يطلقني ويعقني ورا الشمس ومن هالرمسه انا تنرفزت قلتلها ما يهمني كلامج واصلا اني تعرفين شو اصلج وفصلج وشو كنتي تسوين قبل لا تخلين عمرج شريفه ع حسابي المهم هي يت تنزل من الدري وطاحت على ظهرها وانا رحت امسكها ويلستها عالدري ورحت اناديهم عسب نوديها المستشفى .. وعقب طلع ان الياهل طاح وهي تمت تصيح وتدعي علي تخيلو قالتلهم اني انا اللي عقيها وكنت اضربها واصفعها بس الدكتوره قالت هاي طيحه مافي اثار ضرب او تكفيخ بس هي تمت تترس راس ريلي وعمتي تقوله لا تروح وبعدين دقت علي قالتلي لبسي وطلعي بيت اهلج انا ماعرفت شو اللي صاير بس قلت بسوي اللي قالته
توني طالعه من باب الحجره ماشفت الا ريلي مط ايد ولدي مني ودزه برع الغرفه ودزني داخل وطاح فيني ضرب والله حسيت اني بموت تخيلو يرفسني ويدوس ع راسي وطلع خيزرانه وقعد يضربني ضرب وفالاخير قالي اني طالق انتي اللي ذبحتي ولدي وانا ما بخليج ع ذمتي وانتي تحبين اخوي و24 ساعه ضحك معاه اكيد مسوين شي والا ما بتتفقون وبتكون احوالكم جي والله انصدمت صدمت عمري لهالدرجه مب واثق فيني تخيلو امه برع تصيح عند الباب ولا رد عليها بعدين قومني وصفعني كف واغمى علي .. عمتي قالتلي انه سحبني من شعري وفرني عند باب البيت اللي برع وعقب عمتي خبرت اخوي ويا خذاني ووداني المستشفى ..
والله حالتي النفسيه صعبه .. يقولون البيبي يمكن يطلع بعاهه مستديمه .. وغير هذا ريلي منكسره ما اقدر البي طلبات ولدي وايدي مفدوعه وهذا غير الظلوع المكسوره .. وريلي كان بيروح المحكمه ويطلقني بلا رجعه بس ابوه وقفه وقاله لو سويت هالشي انت لا ولدي ولا اعرفك .. واخوي ما يباني ع ذمته . . وامي وابوي بييون الاسبوع الياي يشوفون الموضوع .. والله كرهت اللي صار تخيلو يالسه اقول ياليتني ما عرست كان ما صار اللي صار .. وياريتني ما تعرفت ع هالبنت جان ما خبرت ريلي بسالفه الفلوس .. والله نفسيتي تعبانه وحتى الدكتوره النفسيه تقولي اهم شي لو تحسين بغضب يلسي ويا شخص يفهمج .. والله اخاف اسوي شي لولدي والا لعمري والله تعبت
الله يخليكم انصحوني شو اسوي .. احس اني خلاص منتهيه
بس لاتصيحين سويلج جو وعيشي حياتج مع ريليج
وقهريها مثل ماتقهرج بس بذوق هههههههه
وطنشيها ولاتكدرين مزاجج ولاتيبين اسمها مول جدام ريليج بس حلولي تكسبينه حتى لو عافج
مثل ماتسوي واحسن
يعني لو طنشج قوليله بستحمل دامك حبيبي وروحي وحاولي لو يكون جدامها وجدام اهله بعد
انا ماقريت موضوعج بس طلعي كيد الحريم
سيري اشتكي عليه
خليه يبات كم ليله بالسجن
وسيري قولي لحرمته الكلام اللي قاله
وحطي بهارات
وايلسي انقلي رمسات مثل ماهي تسوي
لين مايطلقها
وتكونين انتي الوحيده بحياته
بس انتي وايد صبوره ما شاء الله عليج
انا لو بدالج جان ذبحتها
واذا عرفت انها حامل بعد
بهدله البيت
ولا بعد فوق شينه قوات عينه
يمد ايده علي!!
حبيبتي لا تنسين التقرير بينفعج فالمحكه شلي التقرير وخشيه عندج ولا تسمعين كلام الي بيقولج لا تتطلبين تقرير واذا امه قالت لا تخبرين الشرطه حبيبيتي في قانون شووو يتحرا عمره
استغفر الله والله ماشي ريايل فالهزمن
عنبوه في ناس جيه