ماعندي غيركن يساعدني من الي انا فيه
الله يسلمكن انا مالجة من فترة طويلة وعرسي ماتحدد بسبب ضروف ريلي والحمدلله على كل حال
بس احس اني مليت وزادت مشاكلي مع ريلي بالرغم انه حليلة طيب ماشاء الله ومايخصه بس انا واايد
ماصرت اتحمل واعصب واتمشكل معه على ابسط شي ساعات افكر اتطلق
وااايد تييني افكار سوداء وضيقة بصدري لمن ارمسه مااعرف شو سببها
والله ساعات اقعد اصيح من غير سبب مقنع
لاحول ولا قوة الا بالله : (
صلي ركعتين واطلبي من الله يسخره لج .. ومارح يردج .. استغفري وكثري الصلاة عالنبي عليه الصلاة والسلام بترتاحين ان شاااء الله
ولاتضايقين عمرج .. قعدي مع نفسج يمكن انتي مضغووطه..
ربي يوفقج
حاولي تشغليين عمررج شووي عنه
وانسسي سالفة العرس ودوم ادعي انه تتيسر اموركم واتعرسون بسرعه
استانسي فـي هالايااام لانج بتشتاقين لهاا عقب ههه لاتخلين شي يضايقج
والله يسهل امورج يارب
خذي افكار اشغلي نفسج فيها…اتعلمي طبخ و امور البيت,,,وابعدي عنج كل شي سلبي فديتج
انا وياج ساعات الانتظاار فترة طويلة يولد العصبية..
وللعلم الغلا بقولج نصيحة اتعلمتها من يدتي و عمتي…المالجة العين عليها ,,,خذيها قاعدة,,
اقضي كل شي بالكتمان ..حتى سوالفج ويا ريلج شو ما كانت خليها بينكم,,لا تقولين حق اي حد سوالي ويابلي و قالي..
وشوفي كيف بتتحسن حياتج…خذيها نصيحة من ناس عندهم خبراات فالحياة اكثر عنا
ماعندج دراسه ؟ ماعندج شغل؟؟ ولا بس يالسه تترين يوم العرس؟؟؟
يااختي حالتج هاذي يمكن سببها الفراغ ، والانتظار؟؟؟؟ عشان جذي تعصبي ؟؟
يااختي الهي نفسج بدراسه ، انضمي لدورات ،أقرئي كثيرا في أمور الحياة الزوجيه ،وكيفية التعامل مع الزوج التعامل الأمثل………… عشان تهيئي نفسج للحياة الجديده.
والله صدقيني هذا الفراغ اللي عايشته ، يجد من خلاله الشيطان منفذا . يجعلك تيأسين ، وتتذمرين . والله أعلم.
ضعي لك أهداف ،وجهزي الأدوات اللازمه لذلك .وسوف تحققي السعاده والرضى في نفسك.