شو رايج في هالمنظر ؟

السلام عليكم ..

ابا اعرف شو رايكم في هالمناظر .. بصراحه يعني و بدون زعل .. واللي تسويه تقولي ليش؟

* زوج و زوجه طالعين مطعم و يا بيبي .. او عيالهم .. و يالسين على طاوله ياكلون و خدامتهم على نفس الطاوله .. تاكل او تاكل اليهال ..

المنظر الثاني …

* زوج ياي يشل عياله من المدرسه .. والخدامه يالسه ورا .. يعني هي و هو بالسياره بس .. سايرين يشلون العيال .. لا و يوقف باركنج بعد و ينزلون ..

المنظر الثالث ..

*تدخل الخدامه غرفة الانتظار في العياده شاله البيبي مريض .. و الدريول واقف يتريا .. بدون امه او حد من اهله ..

هيه والله مناظر اتعور القلب

الصراحه الخدم فيهم حقد شو ماسويتيلهم بعد يتم فيهم حقد

وموضوع ان الخدامه تيلس وساهم على نفس الطاوله شفته بعيني في سنتر وبصراحه استغربت

واااايد

ان شالله هالنوعيه من الحريم تصحى قبل لا يفوت الفوت

عفوا خواتي

انا وياكم بالمنظر الثاني والثالث

لكن الاول .. تشوفونها حلوه تطلعون وياكم الشغاله وتيود عيالكم ويوم تتعشون ف مطعم تخلونها تاكل ع طاوله بروحها والا تخلونها بيوعها ؟؟ من باب الانسانيه ؟؟! تراها بشر حالها من حالنا , اما لو طلعه عائلية مب حق الشوبنق مثلا بهاي ماله داعي تشيلونها وياكم اصلا .. هذا راي والسموحه ..

اصبحنا واصبح الملك لله وحده لاشريك له

الناس فاهمه معنى خدامة غلط

الخدامة مب على شان تاخذ دورج يا الام ولا تسد مكانج اهي على شان تساعدج في حمل اعباء الشغل مب اكثر
الله يهدي الامهات محد خرب العيال غير اهمالهن الغير مبرر

المنظر الاول انا ماشفته بس شفت مره في مطعم عايله يالسه على طاوله وحده والطاوله اللي حذالهم يالسه عليها البشكاره وتتعشى عادي

يعني حسيت انه الموقف جدا عادي لانه اولا الطاوله ضيجه شوي والكل ماخذ راحته ويتعشى.

المنظر الثاني اللي هو للمدرسه الصراحه ماشفت بس يمكن حرمته تشتغل وموظفه وماتقدر اتيب عيالها من المدرسه فأنا اشوفه عادي

الموقف الاخير انه الشغاله تاخذ الياهل للعياده ومع الدريول اهنيه اقوول ستووووب لا و ألف لا لو شو ماكانت الحرمه مشغوله او موظفه بالطقاق عيالي اهم

بودر كل شيء وبسير اعالجه بنفسي.

مااقدر احكم لانه كل واحد حسب ظروفه ما نعرف ظرف الشخص من المواقف الثلاثه