ايه انتي طــــــــــــالق !!
ومع هالكلمه بدت قصة معانات الجوهره
في فرق لما يكون الطلاق بسبب وفي فرق لما يكون الطلاق بدون سبب وظلم
ادري ان في حريم بيقولون حمدي ربج تطلقتي عقب ملجه ماشي يهال بس صدقوني في مجتمعنا ماشي فرق
احيد يوم كنت باخر سنه من الثانويه لما تقدم لي طليقي فررحت كنت احسب الزواج هو السعاده كنت مشتاقه البس الفستان الابيض كنت مشتاقه اعيش واييب يهال واعيش ويا الانسان اللي من زمان تمناني
ماكان عندي خلفيه كبيره عن الزواج لن هالشي كان بين هلنا منقود نرمس عنه كنت اسير الدرسه وانا مستانسه وربيعاتي يباركون حقي مادريت ان بعد كل هذا راح اذوق الويل
في منكم وايد يقولون فترة الملجه احسن فتره !!! بس انا اقول بالنسبه لي فترة الملجه كانت اخس فتره
جفت فيها اشيا تشيب لها الراس كان عمري 18 سنه بس تحملت وايد اشيا ووايد صبرت من تصرفاته وتصرفات اهله وياي اللي حسسوني اني داشه حرب هب زواجه
ماكنت اخبر اهلي كنت كل يوم ارمس صديقتي الصدوقه واصيح عندها واقاولها انا اخترت صح ولا غلط
تحملت كل هالبلاوي في سبيل اني ماطلق لن اختي خوفتني من الطلاق يوم مره جبت طاري الطلاق عندها اني مابيه صارخت عليه وقالت انتي تبين الناس تاكلنا
من عقبها تحملت في سبيل التغييير وسبيل اني ماطلق
وبعد كل هالتضحيات وبعد كل هالصبر
اتجازى بأني اطلق بسهوووله
لما جا وقت انه يطلقني قدام القاضي .. القاضي قاله الكلام كله اللي قلته مافيه سبب مقنع للطلاق البنت مافيها شي
يقوله لا بطلقها
وانا طول هالفتره اطالع طليقي بس اطالعه بعيون كلها دمووووووع وحسره وزين اني كنت متغشيه عسب مايجوفني
كنت اطالعه واتذكر ايام اول لماكانو يقولوني فلان يحبج ويباج داخل نفسي كنت اقوله هذا هو الحب !!
الحب يعني البيع بسهوله !!!
جا وقت انه يقولي انتي ططااااااااااااااااااااااااااااااالق
الكلمه اللي كنت اتهرب منها طول هالفتره
الكلمه اللي عمري ماتوقعت بحياتي اني اسمعها ولا اريد اسمعها
يوم كنت اجوف وحده تطلق كان قلبي يتقطع عليها
الحين انا يا دوري
ما انسى نظرته يوم طالعني قبل لا يقول انتي طالق وابتسم هيه ابتسم فرحان برجووولته الظالمه
رجوولته اللي ماتطلع غير عليه انا
ما انسى ابتسامته الماكره كانه يقولي عيشي مكسوره انا الحين بكسر لج كيانج
كل مره كان يهدد بالطلاق كنت اترجاه واترجا اهله انه مايطلقني كنت صغيره 18 سنه وكنت خايفه ماكنت فاهمه شي
وهو يطالعني انا كنت اطالع رجولي بس كنت لامحته وقالها قالي انتي طاااالق وتم يطالعني يبا يجوف ردت فعلي
على باله اني بصيح منهاره وببوس رجوله انه يرجعني ولا !!
تدرون شو سويييييييييييييييت
والله يابنات ما ادري هالصبر الله كيف الهمه فيني في هاللحظه بذات مانزلت من عيني ولا دمعه قدامه وهو يطالعني يبا يشوف شو بسوي منتظر مني اي ردة فعل
بس ولله الحمد شاف بروووووووودي بس من داخلي يابنات من داخلي ناااااااااااااااااااار تشتعل
وكله اردد بيوفي حسبي الله ونعم الوكيل فيك حسبي الله ونعم الوكيل فيك حسبي الله ونعم الوكيل فيك
حتى القاضي استغرب مني ومن هدوئي
القاضي لما قالي عندج اي طلبات بتطلبينها منه
قلت له لاااااا حقي عند الله سبحانه والله راح ياخذ لي حقي منه
ولين الحين وقصة انفصالي تلاحقني بين النااااس العيب كله طاح عليه انا وانا منفصله ظلم
كل ما وحده انعجبت فيني وتدري اني منفصله تشررررد حتى الرياييل اللي هم الرياييل اللي يقولون الريال اعقل عن المره بمليون مره
صارت الحين رمستهم شرى الحريم
اكيد لمسها طلعت وياه مادري شوواكيد تركها لنها فيها عيوووب وهو ماصار شي من هذا كله
لا ومن الصوب الثاني صارو يطمعون المعرسين يقولون هاي منفصله بتوافق على اي حد
ويوم ارفض واقول مستحيل اتزوج واحد معرس اللي مارظاه عروحي مابرظاه على غيري الرياييل المتقدمين يقولون عيل خلها تعنس بيت ابوووووووووهااا!!!! اشقايل حكمتو عليه اني اعنس !!!!
ليش الشباب العزابيه مايبون منفصله معقوووووووله الكل !!!! لازم اخذ معرس ومستحيييل اخذ معرس مهما تسووون !!!
بس ليش حكتو عليه اني اعنس وها انتم رياييل
حتى صديقاتي مرات يقولون لي يالجوهره قبل كنتي انتي اول وحده بتعرسين فينا الحين نحن كلنا عرسنا وانتي بعدج !!
اقولهم ماعليه نصييييب من الله وراضيين به
انا ابي اوجه كلمه للرجال بشكل عام …
دامك مب قد الزواج ليش تتقدم عالخطوه الاولى وهي الخطوبه دامك ريال بس بالكلمه بس بالفعل لااااااا
ليش تبهذل بنت الناس وياك وتلعب فيها جنها لعبه بين ايدينك ماخفت من الله هالشي يصير في اهلك
دعاء الملظلوم ماستجاب ماخفت هالمظلومه تدعي علييييييييك من خاطرها
مثل ما انت ماترظا هالشي على اختك لا ترظاه عبنات الناس ودامك هب قد الزواج ومنت رجال لا تتزوج
في فرق بين الرجال كلمه والرجال فعل
ونحن البنات نبي رجال بالفعل
انا طلعت من هالتجربه وكان فيني خوف كبيييييييييييييييير من الرجال وكره لهم مب طبيعي من قلبي كرهتهم
ويوم اجوف رجال بمكان عام كاني اشوف وحححححششششش كاسر ماعنده قلب ولا رحمه
لا تلوموني بس من اللي جفته مريت بفتره نفسيتي تعبت فيها لين ماتوجهت لله سبحانه اكثر وكان هذي بداية هدايتي اني اتقرب من ربي واذوق لذة العباده اكثر ولذة اني الجا لربي كنت كل يوم اصييييييييح وادعي ادعي ادعي
وصرت مع الايام اعيش حياتي عادي وبديت ابتسم واظحك واهلي فرحوووووو اني رجعت على طبيعتي
واحيان يكون بداخلي تعب بس اكتمه واظحك وما ابين حق احد ابدا بذات لما اسمع ان في ناس تتكلم عني بالسوووووء
مع الايام صارت اتيني اخبار ان طليقي صار حاله من أسوء الى أٍسوءكنت استغرب بس اقول الحمد لله على كل حال بس ماكنت اتشمت فيه بس كنت بداخلي اقول الله يمهل ولا يهمل ودعاي ماراح هدر
انا صج هالسالفه كسرتني بس والله يابنات بنفس الوقت قوتني كانها صفعه قويه يتني فوقتني من اللي كنت فيه من الطيبه الزايده ومن السذاجه صرت اطالع الدنيا بنظره ثانيه
صرت اي خطوه اقدم عليها افكر فيها مليون مره واسال اللي عندهم خبره
وايد اشيا اتغيرت عقب انفصالي بس تغيرت للاحسن قبل كنت افكر ان هالشي كسرني بس بالعكس قواني
وخلاني اقول لعمري مستحيل اذل عمري لاي ريال على وجه الارض واذا الله كتب لي نصيب ويا يهدد بالطلاق بقوله فمان الله الباب يوسع جمممممل لن خلاص ماصار يهمني
صرت حاطه احتملالات لاشيا وايده انها ممكن اتصير شرات ما ابي وممكن لا عسب ما انصدم
الحمد لله صار عندي خبره بامور الزواج من كثر ما اقرى واتطلع لن قبل كنت ماعرف شي على نياتي
انتبهت عرى روحي صرت افكر في الكلمه قبل لا انطقها مليون مره صرت افكر اذا الكلمه راح يستفيد منها اللي قدامي ولا انا بستفيد منها اذا مابتفيدنا ما انطقها
ماصرت غشيمه نفس اول ينظحك عليه لا صرت اعرف واميز بين الناس منو الزين ومنو الشين واللي يتحراني غبيه صرت استغبى قدامه عسب اخذ منهم اللي ابيه واصدمهم اني عارفه كل شي بس ساكته
اللي حولي صارو يترصدون لي اي حركه افاجأهم فيها
ماصرت اتكلم وايد عالفاظي اتكلم بالمفيد اذا ماشي مفيد ما ارمس والانسان اللي أذاني اخلي بس بيني وبينه سلام وما اتقرب منهم ولا احتك فيهم
مب اي شي يصير لي اقوله لاي حد شرات اول الكلام يطلع للي قراب مني فقط واحيانا بعد ما اطلعه
ادري اني طولت عليكم
بس حبيت اقولكم قصتي عسب اتعرفون ان في صفعات اتينا بهالدنيا وتصدمنا
بس صدقوني ان هالشي مع الايام راح ايقويكم اكثر الدنيا تجارب ودروووس وفي دروس قويه تقل عبره لنا مدى الدهر
ولازم كل مانذكرها ما تكسرنا بالعكس تقوينا وتخلينا انطالع لجدام بنظره قويه وبنظره ان نحن نكون افضل وافضل
انا الحين كل الحريم لما يشوفوني بالمناسبات على بالهم اني بكون حزينه بس ينصدمون مني لما يشوفوني اظحك وفرفش ومستانسه مرات احس عقلية الحريم صغنوووونه ههههههههه
تفكيرهم رجعي بس طبعا هب الكل
ممممم وبث
دعواتكم لي ان الله يعوضني خير ^^
استغفر الله الذى لااله الا هو الحى القيوم واتوب اليه
استغفر الله الذى لااله الا هو الحى القيوم واتوب اليه
وحسبي الله ونعم الوكيل اللي يظلم الحريم
وان شااء الله الله بيعطيج ع قد نيتج
وسمحيلي على الاطاااله