مدى التناسب الشكلي بينج و بين ريلج!!

هالموضوع فكرت فيه بعد القعدة إلي فضيتها البارحه ويا البنات..سألوني..فلانه شخبارها؟ قلتلهم عرست ماشاالله من إسبوعين لو أقل…قالوا والله! منو خذها؟ أكيد واحد عا طولها…(لن البنية وشبة..طول و عرض ماشاالله غرييييب)..أنا قلت لهم : لا..بالعكس إلي خذها واحد ينعد إمبين الرياييل قصير..و هو ضئيل مقارنة بها..إستغربوا!!! و بدت التعليقات..

و يوم تميت أتذكر العروس الي حضرتها إتذكرت إنا دايما أول ما نطلع من عرس إنقارن بين العروس و المعرس.. إلا هو وسيم و هي خسفة…هو أسمر و هي بيضا…هو ضعيف و هي دبة..هي موردة و هو أجلح……..إلخ إلخ إلخ…

إنزين عزيزتي المعرسه..قولي لنا…إذا كنتي ماشية ويا ريلج,,هل تحسين إن أشكالكم متوالمة ويا بعض؟ أو تحسين شكليا ما تتناسبون بس في الأطباع هيه…..و شو تتوقعين الناس يقولون يوم يشوفونكم ويا بعض؟

أنا ببدا و إبعمري……..أنا ضعيفة..و ريلي مليان..و شكليا أنا أحلى…بس هو مركزه الإجتماعي ممتاز…و خذني عن حب….مع إنه موب وسييييييم…بس أخلاقه توب…لكن الحينه موضوعنا يقول..ِ….شكليـــــــا… زين

^^ انا نفسج تقريبا
يعني امم من ناحية الشكل انا احلى ومن البياض انا ابيض ومن الوزن انا اضعف
بس اشوف اشكالنا مناسبه مع بعض يعني احسن الحرمه تطلع احلى وبعدين الريال بأخلاقه مابشكله والحمدلله انا راضيه ^_^

أنا وياج يا خليجية…يعني لو شفت العروس أحلى من المعرس عادي…بس يوم يكون العكس…..هممم….شوي يعني إتحسينها غير…

موضوع حلو .. وتسلمين اختي ع الطرح

انا ريلي طويييييييييييييييل وانا قصيييييييييييييره .. يعني الصراحه استحي اوقف عداله .. شكلنا يضحك ..

من ناحيه الشكل والجمال تقريبا كلنا نفس المستوى جمالنا متوسط ..

وتيه فترات يسمر مره ومره يبيض لوووووووول .. وانا بيضه

بالنسبة انا وريلي الحمدلله احس ان نناسب بعض
بس من ناحية البياض ريلي ابيض عني بس اشوف ها الشي عادي وما يؤثر أبد

و منو قال إن البياض هذا معناه جمال!!!! إش حلاتها البدوية…برونزية…..البياض..جيراننا من البر الثاني هناك… يعدونه شرط من شروط الجمال…البرونزاج أحلى شيييييييي….

لاحظت وايد حريم ستايلاتهم مال اول…يركضون ركض ورا كريمات التبييض…! و تيج الوحدة من إستوت سمرا و غصب تبا تصير بيضا و شقرا بعد!!! بدال لا تهتم بجمالها الطبيعي إلي ربي عطاها إياه…شوفو ممثلات هوليوود

العيون السود…و البشرو التاند…و الشعر الأسود…نايس

انا عن نفسي ضعيفة مقارنة لريلي ماشاء الله عليه متين ،،

انا أبيض عنه بواايد وهو أسمر عني هو طويل وانا لا قصيرة ،،

ولا طويلة يعني وسط بس الكل يقول انا وااايد احلى عنى ،،

بس الحمدلله مقتنعين في بعض وحلاته يوم الحرمة أحلى بواايد ،،

الله يحفظه لي ان شاء الله ،،

مودتي