انا لاحظت ان شي بنات قبل لاتتزوج تكون طيبه وااايد وع نياتها ومتواضعه واخلااااق ماشاءالله عليها
بس عقب ماتنخطب وتملج او تتزوج تتغير ع اربيعاتها والي حولها من الناس 
واااااايد بنات لاحظت عليهم هالشي يعني تحسس الناس إنها غييير وخلاص محد شراتها الحين 
انا الحمدلله مالجه يعني كلامي مب غيره او حسد الحمدلله بس صج صج تنرفزني هالحركااات واااااااااااااااااايد
ليش جيه يسوون ؟؟ ماعرف ليش يتغيرون ع ربعهم والناس حولهم ليش ؟ 
والله اذكر بنت انصدمت فيها عقب ماتزوجت يعني قامت تتدلع وتسوي عمرها رقيقه وتغير من رمستها
ومووول ماتسلم عدل تحسسنا ان الباجيين زباله وانتوا بكرامه 
وقامت تلبس اوووفر بكل شي وتغاااار لو وحده طلعت احلى عنها يعني تزعل ويبااان فعيونها هالشي واااضح
>> اونه الريل مدلعها وايد ويحبها يعني فظهر هالشي جدام الناس ههههههههههههههههههههههه
قبل والله ماكانت جيه كانت طيييبه ولبسها عاادي بسيط وحلو ومتواضعه بس الحين انجلب وضعها غييييييير
تغااار وتحسد وتبالغ بلبسها ومكياجها وتبي تكون هي التوب بس ومب عايبنها شي كله تتأفف وتدلع
وااايد منصدمه منها اناا 
وشي بنات كانوا يقولون ادعولي بالزوج الصالح وتتمنى الستر واول ماتملج تقوم تتبطر وتخق ع غيرها
اقول سبحان الله وين كلام هالبنيه قبل تتمنى الستر .. احينه محد شراتها خلااااص متزوجه هدوها هههههههههههههههههه
احس هالبنات فيهم عقده نقص مااادري ليش هالحركات يعني ؟ كلنا متزوجات الحمدلله ومرتاحات بس محد تغير ع ربعه والناس
ومرات احس انهم كانوا ماخذين الزواج غايه وهدف اول ماايي المعرس خلاص تبان ع حقيقتها وشخصيتها
اتم تتحرطم وتسب ومايعيبها شي لا بالريل ولا بوضعها الحالي.. ماتقول الحمدلله الله وفقني وسترني لااا تتم تخق ع ريلها انه خذاها وتكسر ظهره بالطلبات وتسوي عمرها ملكه جمال العالم 
عيب والله هالشي نحن المفروض نكون متواضعين وطيبين مب عشان الزواج بس لان المفروض جيه طبعنا يكون مانتصنعه
بس الي صاير هالأيام وعقب ماجفته انا فحياتي صج صدمني وضايجني
الله يهديهم بس 
شرايكم انتم بهالنوعيه من الحريم
وهل مرت عليكم بحياتكم نماذج من هالنوع ؟
والاغلب للاسف ينسون صديقاتهم بعد الزواج وما تشوفينهم الا صدفة او في المناسبات
سلمتي ع الطرح اختيه وربي يتمم عليج ع خير يارب 
هاايل مريضاات الله يشفييهم ويهديهم
ربي يتمم لج ع خييير حبيبتي ^^
بس في العكس حبوبه، عندج اللي تتحرا عمرها في بيت ابوها وبعدها ياهل،
لا تعرف شو يعني زواج ولا مسؤوليه..
بس جيه حشر مع الناس عيد، ولا تلقينها تعرف شي في البيت والاهتمام في الريال واكله وشربه
ولا تعرف تتصرف باحترام جدام اهله، يعني مش حرمه تلقينها تتريا حد يخدمها بدال ما تساعدهم والا دوم في حجرتها اذا كانت ساكنه وياهم، وووو
يعني اقولج في انوااااع وااايد للحريم..
اهم شي انج تعرفين الغلط من الصح وتعرفين ان انتقادج لهم مش حش فيهن والا رمسه..
تعلمي من الاخطاء الي تشوفينها وتفاديها 
والله يوفقج يا رب ^^
انا اقولكم وبكل صراحه ان صديقاتي قطعتهن وخصوصا ايام المدرسه وشوي من ايام الجامعه
لاني اشوف ان بيتي اهم وما احب اطلع ويا بنات خصوصا ان بعض الرياييل ما يحبون هالشي
بس تلاقيت معاهن جريب من عقب ما قطعت سنتين..
وكل وحده فينا عايشه حياتها الحمدلله
مش اني شايفه نفسي بس من تتزوج الوحده حياتها تكون عن بيتها وريلها وعيالها
بس قبل العرس حياتها لنفسها وبس وتقضيه كله على كيفها..
انا افضل اكون في بيتي ولا اكون طالعه ويا ربيعاتي!