الدنيا دوارة >> شرفو موضوعي

صباح الخير و العسل يامهات و بنوتات منتدى سيدات الامارات ..

شحالكم ؟؟

حبيت اقولكم قصة و اتمنى منكم انكم تستمتعون ويأي ..

أنا كنت احلم شرات اي بنت بالريل و الحياة السعيدة و تكوين اسرة ..

قبل سنة ونص كنت متزوجة من فارس أحلامي و كنت عايشة حياة سعيدة. من غير مشاكل ..

بس المصيبة كانت انتي سكنت مع اهله ..

أنا بيت باباتي أميرة حتى الورقة اللي طايحة عالارض ما اشيلها ، تميت اخدمه من عيوني و حتى يوم اكون تعبانه اضغط عنفسي عشانه ..

بما ان ما كان عنده كلمه عند امه و ابوه ، خيروه يا أنا و لا هم بالبيت ..

تتوقعون ها من شو ؟؟ من غيره خواته لأني إنسانة متعلمة و جميلة ، عاد هم موتهم و حياتهم حد احلا عنهم ..

أنا كنت عفوية بكل تصرفاتي .. لدرجة ان حماي يتم يفصفصني بالنظرات و حتى أنا كنت اخبره يقول انتي تتهيان .. لين ما قالي بوديج بيت ابوج لأني بسير العين قلت اوك .. و بعدها بيومين مطرشلي اغراضي كلها ..

قطع خط الفون و طلع بدل فاقد ..

لانه كان شكاك، طلقني و طبعا أنا حالتي حاله و اترجاه عشان يردني قبل ما تخلص العدة بيومين رداني ..

قرر ان نسافر للعلاج لان العيب فيه ، حجز و سوا الفيزا و نحن بالمطار نتريا موعد الطيارة .. ما اشوفلكم الا ثنتين يالسين مجابلي و يتطالعوني من فوق لين تحت .. قالي هايلا عشيقاتي بيسافرون و يانا .. أنا اخيرج يا ترضين فيني نفس ما أنا و لا اطلقج ..

طبعا أنا في حاله ذهول !!!!

أكيد ما اباك لا انت و لا هيج ..

و طلقني جدام الناس .. رديت بيت باباتي ..

زين ان ما يبت منه عيال ..

حبيت اقولكم تجربتي عشان اخبركم ان الحياه ما توقف عند ريال داس عكرامه الحرمة ..

و سلامتكم ..

اتريى ردودكم السلبية و الإيجابية برحابة صدر

الطلاق نعمه فهالحاله حبيبتي … دام ما خاف الله ويجاهر بالمعصيه جدامج وجدام خلق الله

الله يرزقج باللي احسن عنه فديتج ….

يسلموووو

اسال الله العظيم ان يعوضج خيرررر يااااارب بزينة الرجااال دين واخلاق يااااارب

سبحان الله وبحمده

اويه عيني عينك جذيه !!!!

يا حبيبتي هذا فرقاه عيد وربي بيعوضج بالاحسن ان شاء الله

الحمدالله افتكيتي منه

يابوج من اول مرة المفروض ماتردين

الله يرزقج باللي احسن منه ب100 مره