الله يحفظكم بنات و يسعدكم و يخلي لكم عيالكم و ازواجكم و اهاليكم يا رب
انا تزوجت من سنتين
عانيت من مشاكل كبيرة و صغيرة
وكل المشاكل او معظمها نتيجة التدخلات ف خصوصيتي
من ناحية اهل زوجي و يوصلون له اخبار
او من ناحية اهلي بس بو عيالي ما يعرف و من اوصل البيت احس نفسيتي تتغير
طبعا كلام الناس ما يخلص ابدا
كنت ساكنة ف غرفة و حمام بيت اهل ريلي
و ما يعاملوني معاملة عدلة و الجميع أوكي وياي إلا عمتي و بعض الاحيان عمي
و حاولت اسايس و اكون دبلوماسبة عل و عسى ترضى عني ام زوجي
و طبها من خبرناهم ان بننتقل مع ان ف الخطبة كنت شارطة بيت بروحي
و ريلي نفس الشي يقول ما شي مكان ف بيتنا
و لازم ننتقل و البيت ضيج و اخو زوجي يبغي يعرس وما عنده مكان يسكن فيه
و فس نفس الوقت اخو زوجي الثاني قال بينتقل بعد ! و انتقلوا بسرعه ف شهر و ساروا ل شقة
وما شاء الله تبارك الله عددنا 20 ف البيت مع البشاكير
و اشتغل الزعل و مدة البوز و الغيرة
و طبعا يوم كنت ساكنة معاهم و بعد ما عرفوا سالفة البيت
من يوصل من دوامه يلس عندي
و من يطلع عني يروح لعمتي و مثلا اكون بالحمام اسبح او اغسل
يرد و يجلب علي
لاحظت عليه ها التصرف داييييييييييما
و تميت اكتب ف ورقة عسب اقارن
يتصل فيني ما في احسن عنه
و عقب يتصل معصب وما ادري شو فيه
و من اجيك تلفونه من وراه القى رقم عمتي
قبل ما يتصل فيني بدقيقة
و ها الشي دايما
بالعكس ما فاتحته ابدا بالموضوع و اخلي قلبي كبير
من أحط لقمة ف حلجي و الله كلام يسم البدن
يحليلها مرت ولدي ما اتصلت يحليلها دوم تقول لي شو اسوي الغداء
مر يوم بس وانا جي الله يعيني عيل ( انزين انا اوصل البيت الساعه 4 العصر ما الحق اسوي لكم غداء وهي بطالية ما تشتغل)
مكانها فاضي هي الوحيدة اللي مكانها بيتم فاضي
اكل لي الصحن بالغصب و انش
ويهي احمر و اصفر و ازرق
انتقلت لبيتي و من فرحتي
كلما سرت مكان اتشرى يا اكسسوار يا فرش يا ديكور
يعني اموت ع ها البيت اللي اتريييته سنتين
و كل شهر شوي شوي نأثث
و تحولت ع البيت و حتى شليت اثاث حجرة النوم
لان ما عندنا ولا فلس
و تمينا كل شهر نشتري شي
و ما قصروووا خواتي كل وحدة شرت لي ثلاجة غسالة مكيف تلفزيون ………الخ يعني ساعدوني ف اشياء وايييييييييييييييييييدة و فرحوا قلبي و ريلي مستانس منهم
و تغير عمي و صار غيير عسل و كله يقولي البيت فاضي بدونج و كلامه طيب
ومن ايى عندي استانس وياه و من يلسته و اسمع سوالفه و مرات اقوله لو تبغيني اوصلك ارجعك من مكان اتصل فيني و من ها الكلام
و ع قولة المثل حاسدين الفقير ع موتة اليمعة
و قلت برتاح الحمد الله بيلس ف بيتي جنتي
و صدق تغيرت العلاقة بينا للأفضل
سواء من ناحية الطبخ او الخصوصية و حتى نادرا ما نزعل
ولو زعلنا بسبب عمتي
كل يومييين داخلة علي البيت و تجيك شو شرينا
سواء ثريا ولا فرش ولا غنفة بو 500 درهم
و تروح تطلب منه فلوس مع انها راتبها عالي جدا و عمي يعطيها مبلغ كل شهر
و يعطيها كاش و يقولها بدت غيرة الامهات
و عمي يقولي لا تعطونها ولا ريال كله تصرفه ع ربيعاتها و تسلفهم و ينقص عليها
و اقوله ل ريلي عيب جي تقولها استح ع ويهك ما تستحي جي ترمسها
والله انازعه و اتضارب وياه لو يغلط ع امه لاني ما ارضى ازعل امي بكلمة
مع انها تعلق عليه بتعليقات مب حلوة ابدا و تجرحه دايما يدامي و تنزل من قدره داييييييييما
و كله تقوله انت مب ريال
بس شو اسوي كلما تدخل البيت تفتش و تراقب و تسوي لي مشكلة
لا ارتحت يوم كنت معاهم و الحين نفس الشي
ف كلما تتصل احاول اتهرب يا ما ارد
او اقول اني مشغولة ف الدوام او مب موجودة ف البيت
و حاولت اكون رسمية ازورهم مرة ف الاسبوع فققققققط و يا دار ما دخلك شر
و ف نفس الوقت كنت متضايقة من نفسي هل لازم اكون رسمية عسب تحترمني
و حسيت بضيقة قلت بسير العمرة ارتاح لي يومين
و سرنا و ودعنا كل حد قبل ما نسافر
المشكلة الكبيرة انها ما ترمس يدامي بس تجرح ريلي
و تقوله هي حق حرمتك بتوديها كل مكان و انا ما توديني ولا تسفرني
مع انها من شهر سايرة العمرة و ف ها السنة سارت 3 مرات
و يوم ايى عندي ينجلب 360 درجة ولا يرمسني و يبغي يلس بروحه وماله خلق اي حد
المهم
زوجي ما يقصر علي و يصرف علي و يعطيني مبلغ لصرف البيت و لصرفي
و زوجي من النوع اللي ينقص عليه يعني يسلف كل امة محمد
و ربعه يقصون عليه وايييييييييييييييييييد و ياخذون منه فلوس
وهو ما عنده درهم
فقلت بخليه يصرف ع البيت و علي و هذا من واجبه شرعا و قانونا ي
عني مب شي يديد
وانا بيمع من فلوسي للمستقبل او للاثاث
وما قصرت شريت اثاث البيت من فلوسي لاني مقدرة انه بنى البيت و تعب عليه
وما اقصر لها بالذهب و الطباخ و الهدايا و المجاملات و المخاوير
من عندهم مناسبة ركضت اشتري هدية
يعني خبروني بنات شو اسوي
حتى اقترحت عليه نيمع مبلغ صغير كل شهر و ف نهاية السنة نشتري لاهله شي مثلا نسوي لهم مطبخ يديد او نشتري ثريات او صبغ او ديكور او شي ع قد ميزانيتنا بالمشاركة معاه < مع اني مب مجبورة اسوي لاني مب بنتهم بس انا سويته بطيب خاطر و باقتراح مني
ابغي اقول ستوووووووب خصوصياتي لو سمحتوا بس استحي
هل اكون رسمية و خلاص
و ريلي يقولي انتي وايييد تزعلين طنشي و خلاص لا تعورين قلبج
اقوله من تسمع كلمة اتي عندي و تصارخ علي بدون سبب يعني تتأثر بالكلام
كيف اسكت و بيتي يخترب كل يوم
بس انا مول ما اقدر والله يتم ف خاطري و ازعل و قلبي يتقطع
والله الشاهد من تعق كلام ما اقوله ابدا ولا انقله و مرات اصيح و ايى عندي وما اقدر اقوله السبب عسب ما يزعلها
ويبعد عنج كل شر
مممممم اقعدي مع عمتج وفاتحيها بالموضوع قوليلها انا اعتبرج نفس امي وانا ما امقصره وياج لو شفتي اي غلط خبريني بس مايكون فخاطرج اي شي وعطيها بالسياسه يمكن بتحشم وبتتلوم فيج يمكن وريلج كذلك قوليله ام الريل طبعن مب الكل اتغار على ولدها من حرمته ولازم تخرب العلاقه شوي اتزيدها فلفل بس امك كبيره اي شي بتقولك عني قولها ان شاء الله وحاضر بس واتمنى ما تتغير علي ولو شفت علي اي غلط قوللي مب تسمع كلام اي حد وتزعل مني وانتي وسياستج والله يوفقج يارب .
انت زوجة عاقلة وفاهمة والله يديم المحبة بينكم ويحفظلج زوجج لا تنسين انت لج الاجر وهالشي يكفي صدكيني والحمدلله طلعتي بيت بروحج وارتاحيتي وتحمليها ام ريلج مهما يكون هذه امه وحاولي تكلين ريلج يوم تشوفينه هادي ومرتاح وقوليله اي تقصير مني خبرني مو تزعل وتكلب وجهك عني لان الحياة ما دوم جذي وان شا الله ..الله سبحانه يهده يهدي عمتج .
وان شا الله تكمل فرحتج وتحملين وتربين نونو وتنسين همومج كلها ..
قوليلها خربان اي شي
لا تفتحيلها البيبان
بس خليها تقعد بالصاله
وفلوس ريلج خليهم بالبنك
واذا قالت ليش مايسفرها
قوليلها عنده حرمه مسؤول عنها
وعن مصاريفها ومصاريف البيت
عيالج اللي مب معرسين ماعندهم مصاريف