الزواج من مطلِّق

السلام عليكم و رحمة الله و بركاته

بغيت اسألكم للي متزوجه من ريال سبق له الزواج من قبل و مطلق (شو ما كانت الاسباب ما يهم) هل كانت هناك مقارنه بينج و بين الزوجه السابقه؟ هل تحسين ان ريلج عاقل بحكم التجربه؟ شو كانت مخاوفج من هااذي التجربه؟ هل ندمتي؟ هل تحسين ان زوجج يحاول يخلي التجربه ناجحه اكثر من الاولى او انه عادي؟ هل اهله يقارنوا؟ هل تسمعين كلمة "كانت تسوي لي" "لا تسوين مثلها" او انه صفحه يديه انفتحت بمجرد ما دخلتي البيت و انطوت الصفحه السابقه؟

السؤال لمجرد السؤال و الاستفاده و جزيتن كل خير حبايبي

لازم بيستوي مقارنات بينه و بين عمره ..

فإذا تبين تاخذين واحد مطلق اعرفي كيف استايله و بتكسبينه ..

اذا كان لابـد . . فخلج كووول وحاولي دايما تنالين رضا زوجج في كل شي وماتراددينه ولا تجادلينه وكلامه اوامر ولو حصل سوء تفاهم تكلمينه بعقل وباسلوب وتفهمينه وجهة نظرج بدون زعيج وجي .. ولا تفتحين له اي باب للمقارنة ..

لكن الانسان بطبعه يتأثر بالتجربة الاولى بس خل انطباعج انتي احلى واقوى من الاولى ..

بالتوفيق

حبيبتي انا ماخده واجل مطلق وكمان عنده اولاد منها بس كانت تجربه فاشله بالنسبه له و الي لاحضته انه يحاول يخلي زواجنا الحين احن عن اوله
وعمره ما قارني بيها او يدا عملها يكون باسلوب ايجابي يعني يمدحني اني اسوي احسن عنها بس مقارنه سلبيه ابدا ما اسمعت منه و لله الحمد و عيله كمان ما كانو يحبوها يمكن لها السبب ما يدكرونها جدامي بالمقارنه و الناس تختف ما ادعي يمكن يفيدوناج دوات التجارب السلبيه

تعتمد ع حسب الريال و طبعه كل واحج غير عن الثاني
الله يسهل امرج ويرزقج الريال الي يفهمج و يقدرج

للررررفع

مثل ما قالولج كل واحد و اسلوبه … و لكن بالكلمة الطيبة و الأسلوب الحلو و الإهتمام يبدا ينسى … و الاخت قالت اعرفي اسلوبه و اللي يحبه و ما عليج شي من الباقي … و طبعا هذا حال كل المتزوجات أول الزواج انهن يعرفن اسلوبه و طبعه و اللي يحبه فعشان جيه ما بيكون فيه فرق بينج و بين أي وحدة ثانية … انتي لا تركزين و طنشي و خلج واثقة من نفسج … و لو زادت المقارنة خلي ثقتج مبينة أكثر … و قولي: في النهاية أنا حبيبتك و أنا اللي عندك و اللي راح تراه تراح ! ترا نصيحة الرياييل شو ما كانوا كلهم و من دون استثناء يحبون الحرمة الواثقة من عمرها !