مساعدة الزوج وتربية العيال

حبيباتي نحن نبني بيت ع حسابنا لان ما ظهر لنا بيت في الإسكان أنا قاعدة في البيت عند عيالي يعني ما عندي دخل خاص و عندي ثانوية بس درست جامعة سنة ونص وعقب ظهرت وحابه أساعد زوجي في التكاليف البيت المستقبلي من كثر ما أشوفه متضايق من الديون و كيف يفكر بالباقي ما عندي أفكار كيف أساعده أو بشو فحبيت منكن خواتي تساعدوني بأفكار شو اقدر أسوي عشان أساعده المشكلة ما عندي راس المال عشان أبدا مشروع أو تجاره فش رو علي الله يخليكن

بارك الله لكم فالبيت و ان شاءلله بيت عامر

اختي شي طيب انج تبين تساعدين ريلج

بس احس سالفه التجاره كم بتربحين منها؟
١٠الاف

١٥؟

ماظن بيكفي للبيت

لازم دوام رسمي عالاقل تمسكين مبلغ مضمون
مابي احبطج بس لان اجوف الي قاعدين يبنون
ال١٠ الاف نفس ال١٠ دراهم فالبنا

عالعموم
تجاره
امممم ماعرف بصراحه لانه يبالج تجاره لها دخل كبير
ومخي متوقف عن العمل حالياً

لي عوده ان شاءلله

اختي لو تعرفين تسوين مكياج او اكل او كورشيه او خياطه
مثل ما قالت الاخت عشق يبالج راس مال

اكثري من الاستغفار وعاوني ريلج وخففي عنه
ان شاء الله تفرج عنكم

بالعكس حبوبتي حتى لو تبدين تجاره شوي شوي تتساعدون ربي بيبارك لكم ان شاء الله

ما ادري كم اعمار عيالج بالضبط >> بس اذا اعمارهم بعمر الروضة و طالع يعني ما بيتمون عند الشغالة بروحهم هذا الشي ممتاااز
قدمي ع وظيفة عزيزتي ، اذا لج نصيب بتداومين >> البنا يحتاج لدخل شهري مش بزنس يا خسارة يا ربح ، و اذا صعب و عيالج صغار ، ما في غير تقعدون تبنون ع الراحات ما باليد حيلة يا اختي .. كلنا هاي حالتنا ورانا بنا و لازم نبدا من الصفر و الله المستعاان و مبروكين ع البيت مقدما

غاليتي درة خلي دور الرجل عليه دام قايم بالواجب

و بناء البيت دور الرجل بالحقيقة … لانه مسؤول عنكم ..

و انتي عزيزتي

وقفي عن هالتفكير انج تساعدينه ماديا دام ما تشتغلين .. ان كنتي تشتغلين طبعا شئ آخر

.. اعرف انج تحاتينه بارك الله فيج و يكثر من امثالج

و لكن انج تحاتين و تدورين طريقة لمساعدته المادية بيخليج تقصرين في وظيفتج و دورج الاساسي

اللي هي تصونين بيته و تربين عيالكم احسن تربية باذن الله ..

من قال انتي مالج دور بالعكس دورج كبير و مسؤوليتج اكبر منه هو ….

لان عندج زوج تدارينه .. بيت تديرينه و عيال تربينهم ..

و زوج تهتمين فيه من كل النواحي و دام ما تشتغلين تبعدين فكرة المساعدة المالية من بالج ..

اروع مساعدة بحالتج هي تدعين الله ييسر اموره

تشجعينه ما يأخذ ديون اكثر من الحاجة

لان اي دين وراه ربا و الله سبحانه و تعالى نهانا عن الدخول بالربا

الا ان كان ببنك اسلامي حتى لو كان بالاسم اسلامي ..

و دورج الاخر بمساعدته انج قد المستطاع حاليا تبتعدين عن الشراء الغير ضروري

ما اقول ابخلي على نفسج و عيالج لاااااااااااااااااااااااااا

بل ابتعدي عن التسوق العشوائئ و اي شئ مب لحاجة له كنسلي فكرة شراءه

و لكن انج تحاتين و تفكرين و تشغلين نفسج كيف تساعدينه بالمادة

هالشئ بيزيدج همّ الله يبعده عنج و مثل ما قلت بينسيج دورج الحقيقي اللي هي زوجة .. ربة بيت .. ام عيال ..

الله يوفقج عزيزتي