السلام عليكم ورحمة الله وبركاته …..
هاي ثاني مره اكتب مشكلتي لاني خلاص صدق صدق تعبت وابا حل
زوجي هددني بالذبح من دون خوف والسبب اني حاطه لوك على تلفوني للعلم اني رديت له مغصوبه من بعد مشاكل
وانا كنت مقرره افتح معاه صفحه يديده لكن تهديده جرحني وايد وكسر كل حلو فيني فكرت اشتكي عليه وارد بيت ابوي بس اعرف
ان اهلي بيجبروني ارد له مره ثانيه بشو تنصحوني ؟؟؟
بلغـي حد ف هالكلام، وقدمي شكوى لا تسكتين
لاقدر الله نفذ تهديده !! يعرفون منو
سيري الخدمة الإجتماعية او إستشارة اسرية أو اسألي ف المحكمة
لا تسكتين
و حاولي تسوين الشي اللي يرضيه ،، شلي اللوك عن الفون وامشي على كلامه لين يهدى شوي
عامليه بالحسنى وما تعاندينه واحتسبي عند رب العالمين وضلي ادعيله الله يهديه
هذا كلام ساعة الغضب ..
احس المرأة تقدر تاخذ كل اللي تباه بالدلع والمعاملة الحلوة .. حتى لو هو مايستاهل ان شاءالله بيتغير بس يشوفك هيك
هذا كلام ساعة الغضب ..
احس المرأة تقدر تاخذ كل اللي تباه بالدلع والمعاملة الحلوة .. حتى لو هو مايستاهل ان شاءالله بيتغير بس يشوفك هيك
ربنا يوفقكم ويهدي بالكم
والله اذا يعاملج معاملة خايسة وبعد يهديدج روحي اشتكي علية دامه اهلج بيردولج له اهم شي انتي
ختيه دامج عرستي تحملي يمكن قالها ف فتره غضب عادي فديتج عاد لا تكونين جذي مره حساسه طوفي يعني الي يقول هات لج سكينه وذبحج ماشاء الله عليج حيه ترزقين لا تحطين شئ ف بالج ولا تخربين بيتج حرام شلي اللوك الي ف الفون وخلاص حاولي تكسبيه
وربي يهديكم لبعض
الغالية هذة الكلمة ممكن تكون بساعة غضب —-
بس الآهم ما طرحتية بالمشكلة السابقة فيها الكثير من المشاكل هل وصلتي لحل فيها ؟؟؟؟؟؟؟
اختي عسى ان تكرهو شئ وهو خير لكم وسمحيلي وخذي بنصيحتي ترا الرجال أطفال كبار وما كان المفروض تستفزينه بإي طريقه عامليه بالحسنا دوم واصري على معاملته بأحسن مايكون لين مايخجل على نفسه وبيغير اسلوبه واتقي الله ولا تسوين شئ يغضب الله من ورا زوجج أو جدامه كوني متوكله حق التوكل على الله لنه لاتنســين( على نياتكم تُرزقون ) وإن كان على تهديده لا تحاتين من يهدد كثيرا لايفعل ماهدد به ومن يعمل دون انذار يفعل الكثير ، واهم شئ ذكريه بالله دوم كوني عاقله معاه ولاتتهورين وتعصبين بس علشان تثبتين وجودج غلط يالغاليه لنه لكل فعل له رد فعل انتبهي حبيبتي وهالله هالله في الدعاء وانتي ساجده 