الزعل بين الزوجين

مرحبا

كلنا تصير معانا مشاكل زوجية بعضها مشاكل كبيرة وبعضها بسيطة وتنحل

لكن شكثر تطول مدة الخلافات وكيف يتم التصالح بين الزوجين

من يبدا بالصلح الزوج او الزوجة

بالنسبة لي انا دايما مشاكلنا بسيطة وتافهة لاني انا من النوع المسالم واللي ما يحب يغلط غلطات كبيرة

بس لما تصير المشكلة التافهة زوجي ما يكلمني بالايام وانا اتريا منه هو يبادر لانه هو اللي زعل بدون سبب يستاهل

وايلس بالايام ما اتكلم معاه ودمعتي على خدي وخاطري مكسور منه وهو مثل الجبل ما يهتز

حتى في الاخير انا اللي ابدا بالكلام

شاركونا بالموضوع

عيبي ماخليه يرقد وهو زعلان او شال بخاطره حتى لو هو غلطان دومي اخاف يصير فيه شي بعدين بتحسف طول عمري

أما انا عجيبه
اذا زعلت من ريلي أزعل من الناس كلهم وبعد أزعل من الأكل ههههههههههه
و هو الي يراضيني بس بشرط أعضه لين أبرد خاطري من الحره ( مصاصة دماء)هههههههه

مسكين ليش تعضينه احلام..
انا مب من النوع الي بفتعل مشكله من دون سبب وحتى لو فيه سبب من ويهي ينعرف ومن النوع الي احب اكون ساكته وهوه يعرف نفسه اذا غلطان يغير من اسلوبه ويكون رومنسي زيااده عن اللزوم ولو تعبان وماله خاطر فالظهر بظهرنااا اي مكان بس عشان يغير المود ويلطف الجو ..
واحياناً يسأل واقول الي بخاطري وجانه ما عيبه عادي اتم مطنشه واادي واجباتي تجاهه ع اكمل وجه ومن نفسه يغير من اسلوبه..
والله يبعد المشاكل من بين الناس..

عن تتهوري وتنهشين لحمه مسكين ههههههههههههههههلو مكانه برد اعضج

ما اخليه يرقد وهو زعلان مني مستحيل حتى لو هو الغلطان

ينكسر خاطري على نفسي واحس شكثر انا مثل الياهل اللي يتريا حد يراضيه

هو بالنسبة له اليوم يمر عنده عادي يطلع ويرجع ضارب بوووز علي وما يكلمني كأني انا اللي تسببت بالمشكلة

مليت منه ومن طريقة حياتي معاه
قلت له لو انا غلطت بحقك ببوسك على راسك علشان ترضى وانت تزعلني وفوق هذا اطبخ اكلك وايلس معاك على السفرة حتى كلمة وحدة ما تقول لي

تدرون مرة زعل عليه لاني نسيت اقول له يشتري النايلون الشفاف مال الاكل واساسا انا ما استخدمه ، سواها زعلة كبيرة وصارخ عليه ، وما كلمني 4 ايام وانا ما كلمته

بالاخير انا عصبت عليه على اسلوبه معاي لانه بس يعرف يزعلني وكرامته ما تسمح له يراضيني