اهل الزوج

السلام عليكم ورحمة الله وبرركاته
انا اليوم حبيت اطلع كل شي بداخلي يمكن لاني تعبت من الكتمان •• ويمكن تكون قصتي مكرره نفس باقي القصص ••انا وحده تزوجت تقريبا بكمل 4 سنوات من بداية زوجنا كان الوضع طبيعي بعدين بدت التدخلات والمشاكل من كل طرف بكل صغيرره وكبيره يدخلون•• عيالهم يلعبون بأغراضي مهما حاولت امنعهم مافي فايده ••الطلعه لازم يكون حد ويانا مستحيل انا وريلي بروحنا ••اسلوبهم طريقة كلامهم غير اربع وعشرين ساعه صراخ ••لدرجة امه تسبني وكنت اسكت واقوله اخرتي بطلع وبرتاح بس اشوف العكس اربع سنوات وانا نفس الحال تعبت صارت عندي حاله نفسيه وغير جي مافي راحه ابدا مستحيل اقدر اخذ راحتي في قسمي والله لازم حد يكون يالس عندي من الصبح لحد الليل •• واي شيء يصير بينه وبين اهله طبعا يقولوا انا السبب ويزعلون مب عارفه كيف اتصرف وياهم وبنفس الوقت مب قادره اعيش وياهم اذا طلعت مكان احس براحه نفسيه غريبه واذا رجعت اكره حياتي كلها والمشكله الكل عبالهم انا مرتاحه ومستانسه بس من داخلي وايد تعبانه •• وبنظرهم محد فيه خير كله يتكلمون على اهلهم وكله ينتقدون الناس حتى صرت ما احب ايلس وياهم •• وفي وايد اشياء الله يعين بس •• وياليت تساعدوني كيف اتصرف وياهم وكيف اشيل الهم والضيق من داخلي ؟ اسمحولي ع الكلام مب مرتب

ليش ماتطلعون بروحكم؟
شقه بيت
ترتاحون

فديتج والله ،، موقفج صعب

الصراحه ما احس ان في حل لان كلهم جيه
خصوصا ان يرمسون من ورا اهلهم
((اللي مافيه خير لأهله مافيه خير للناس))

توكلي ع الله حبيبتي

صلي كل يوم القيام و ادعي اهله ان يسخر قلوبهم و يهديهم ويصبرج

و تمي استغفري

و ان شاء الله كل امورج بتتيسر

و انا بعد بدعيلج

ربي يصبرج ويحنن قلوبهم عليج

حبيبتي إختي ، أنا برد حسب المعطيات اللي قلتيها ، إختي واااايد بيوت فيها مشاكل ، والله يعينج على اللي يصيرلج، إذا ريلج زين أو فيه أشياء وايد زينه ، يهوووون ، لإن الحياه ما تعطيج كل شي واهم شي بيتج وريلج وإعيالج ، ويمكن هالمشاكل تقربج من ريلج ، أنا ما أعرف كيف وضعج ، بس حاولي مع زوجج إنج تنقلين بيت بروحج وقوليله البيت ضيق وإذا ريلج متفاهم اشرحيله الضيق اللي بداخلج بطريقه حلوه ، لان مهما كان ما بيحب يسمع شي عن أهله ، بغيت أخبرج إني صار معاي بعض الاشياء مثلج أنا 8 سنوات متزوجه ، وعقب 4 سنوات شلو أغراضي وحطوها في حجرت بنتهم ووزهوا أثاث غرفتي ، وأصلا كان عندي غرفه وحده عندهم ، وعسى ان تكرهوا شيئا وهو خير لكم ، وهالشي خل يكون لي بيت بروحي والحمدالله، للعلم إني مب من النوع اللي ارد عليهم اللي في قلبي يتم في قلبي ، بس الله فووووووق.
فكري في الايجابي وإعرفي انج في نظرهم أحسن عن بناتهم ، وما يقدرون يمسكون عليج شي مب حلو ، عشان جي هاي أحسن طريقه لهم عشان ايطلعون اللي في خاطرهم ، واكسبي الأجر واصبري ودوري حلووول , واللي راح راح وفكري في الياي

ريلي يعرف كل شي بس فكرت الطلعه مب راضي يعطيكم العافيه ع الردود والله يصبرنا

>>هم هايله .. اووف لو انا جان رشيت بف باف عليهم هههههههه
لا الوضع لا يطاق ..
انتوا تبنون بيت و لا بعدكم ؟؟ اذا تبنون حاولي تصبرين لين ما تخلصين بيتج وبنيه بتكلفه خفيفه يعني ديكورات و هالحركات خليها بعدين . ..

بس اذا ما تبونون وانتي موظفه و لا مقتدره .. اطلعي لو شقه صغيره المهم هالجو السلبي ابتعدي عنه ..

اهل الريل دوووهم جي وخاصة اذا ساكنين عندهم
متى الوحده تطلع بيت بروحها وتفتك