السلام عليكم
اليوم فخااطري اتكلم فشي اتمنى ان المشرفات في المنتدى يقرون كلامي بسعه صدر لاني انامن محبين المنتدى
ابا اكتب نقد بناء ان شاء الله وما باكم تزعلون
الصراحه وااايد مواضيع تشوه صورة المجتمع الاماراتي وتسي بحقه بصوره مباشره او غير مباشره وما تنحذف
وفي اشياء ما تصلح انها تنكتب فالعام
والاعلام شي مهم في بناء المجتمع ولان المنتدى متابعينه كثير فله تاثير نتمنى انه يكون ايجابي
من مثل المواضيع المنتشره هيه الخيانه وانا حتى ما احب اكتب عن هالموضوع لان الشي الواحد ما ينشره
يعني على الكثر المواضيع الواحد يحس ان الفاحشه فكل مكان فالبلاد وهالشي مليووووووووووون بالمليون غلط بس يوم
الناس تتكلم عن الشي بكثره الاقليه اللي يسوونه بيحسون ان هالشي كل حد يسويه وانهم مب يالسين يسوون كبيره من الكبائر
طبعا ها مجرد مثال بس وايد مواضع ما منها فايده الا تشويه ف اخلاق الرياييل او الحريم
طبعا المنتدى فيه وااااايد مواضيع مفيده وانا شخصيا استفيد منه وايد
اذا هالموضوع ضايقكم ما عندي مشكله احذفوه بس اهم شي اقوللكم رايي واتمنى انكم تاخذونه بعين الاعتبار
ويا بنات الل بتكت رايها اتمنى تكتبه كنقد بناء
والله يوفقكم لفعل الخير
على كثر مواضيع الخيانه وغيره صرنا انخاف من الزوااج
وما قمنا انجوف ان في نااس زينين وقمنا انشك فالكل
بس يوم اقرا مواضيع مثل صفات اتحبينها ف ريلج او غيره واجوفهم
يمدحون رياييلهم ويدعون لهم احس الدنيا بعدها بخير وفي ناس زينين الحمدالله
الله الهادي ي اختيلكن اتصور مكان الموضوع بقسم المناقشات لآن ما حددتي هل قصدك مواضيع الحياة الزوجية او كل الواضيع التي تطرح بالمنتدي
الرجاء التوضيح ——-
انا وياج الغاليه في كلامج ، ومب بس المواضيع ، حتى الردود في منها غير لائق أبدا ، الله يهدي الجميع .
مش معقوله حرمه عاقل تاخذ نصيحه من اوادم بيوزرات وهميه الله اعلم هل هم مختلين عقليا او اعمارهم صغيره او او او
يعني هي مش معقوله بتحل مشكلتها لما تطرح الموضوع في مدونة مافيها ناس مختصين بالمشاكل الاسريه
وهذا المنتدى يمكن الوحده تقدر تفضفض لانهم باسماء وهميه وما يختص بمجتمع معين اللهجه سهل تعلمها والخيانة موضوعها متشعب وكل قصه لها سبب ماشي نار بدون دخان والوحده تاخذ بالاسباب وتتعلم
الاعلام وبالتحديد المسلسلات الخليجيه حدث ولا حرج
تبين الخليجيه مفصخه ولا لها رقيب ولا حسيب والريال يغلط وكل شي عادي
حتى ملامح ويوهم مصطنعه الخدود جامده مبين البوتيكس والشفايف اشكبرها لا تميزين ويهها من الضحكه والحزن صرت ما احب افتح التلفزيون واذا حطيت براعم للصغارية