السلام عليكم والرحمه..
بما ان هالسنة صادف دوام المدرسة مع رمضان وانا بكون فالكلية وامايا حبيبتي ماعندها حد يساعدها فالمطبخ بالرغم من ان عندنا خدامتين بس مايفهمن وطبخهم لو يسونه شراتنا لكن الطعم غير ومو حلو…قررت اني احط جدول لي بالاكلات اللي بنسويها كل يوم…عشان ما احتار عقب…وعشان اعلم الخدامه عليها…
يعني مثلا اول يوم بنسوي: اكيد عيش وسمبوسه وقيمات والهريس بنشتريه وبسوي صينية البطاطا وكشري وشوربة وسلطه والعصاير…
المطلوب من كل وحده انها تكتب شو الاكلات اللي يطبخونها فرمضان بدون الوصفه عشان تساعدوني وتساعدن المحتارات مثلي
اترياكم
شوفي ملفي الغاليه كنت حاطه فيه اكلات لشهر رمضان ان شاء بعد البنات بيفيدونج
مشكوره حبيبتي احين بشوفه…
بالتوفيق ..وياريت ما ننسى نسويلنا جدول للعبادة في ها الشهر الفضيل والإخوات في المنتدى ماشاء الله عندهم أفكار حلوة يا ريت إن شاركهم كلنا
up up
اهم شي عندنا في رمضان على الفطور العيش والفريد والهريس والقيمات والكريم كرامل والفيمتو هذا يوميا ما يتغير.
اما الاكلات الثانية تكون سويتات اكثرها
كشششششششششششخه ياريت افكار اكثر واكلات بعد عشان الكل يستفيد