كيف اتعامل وياها

هلا بنوتات
شحالكم؟

بدخل في السالفه على طول بدون مقدمات

الله يسلمكم عندي ربيعه حسبه اختي، من الابتدائي وهي وياي، والحين نحن ثاني سنه جامعه

طبعا هي مب في جامعتي، هي في جامعه في البلاد وانا برع البلاد

ربيعتي هذي فرفوشه، وسوالف وطيوبه، مشكلتها في الانجليزي، ما تعرف له،

المهم انا ساعدتها مره مرتين ثلاث، والله يمكن وصلت مساعداتي لها اكثر من 100 مره

المساعده ان انا احل لها الواجب، وانا طبعا هالاسلوب ما يعيبني، اباها هي تتعلم ولا تعتمد علي انا

واحيانا يكون وقتي ضيق عندي امتحانات او واجبات، وهي على اللحظة الاخيره تقول عندي واجب وتتذمر وتحسسني واجبات الدنيا على راسها، بس والله الواجب بسيط وهي ما عندها هالضغط الدراسي
بختصار في هذي النقطه هي تحسسني ان الجامعه ضاغطين عليها وكله مظلومه من الدكاتره وللعلم هي ما تتصنع هالشي عشان احل لها الواجب وبس، لان ربيعتي الثانية قالت لي فلانه مازمه الامور ونحن ما عندنا ضغوطات جي في الجامعه وكله تتحرطم علينا

انزين ندخل في صلب الموضوع، انا من شهر 9 لي خطف لين يومكم هذا اساعدها، بس ما احس انها تبذل مجهود تساعد عمرها يمكن صح اعتمدت علي انا، احيانا اقول بطنشها خل تعتمد على عمرها، عقب اقول حرام لان اعرف مستواها في الانجليزي، لكن ابدا ما تبذل جهد على الاقل تدور المعلومه من قوقل وترجمها
عقب قلت لها فلانه انتي دوري المعلومات ورتبيهم ولي ما تقدرين عليه طرشيه لي، قالت اوك، طرشت لي تحت كل سوال 2 -3 روابط انترنت
وهي محطيه لسوال الاول كلام انا شفت سوال الروابط وحليته لها
طرشته ردت قالت لي ليش ما غيرتي السوال الاول، قلت لها نتي حالتنه ترى، قالت لا بس جي محطيه كلام، قلت لها اوك ردي سويه بس تعرفين عن العالم بتحصلين وايد اشيا في النت وغيري الاسلوب
عقب قالت ما تعرف تغير الاسلوب، قلت لها اوك طرشيه، وبعد قالت تبى تكتب شو تعلمت من الواجب، قلت لها انزين كتبي، قالت انا بكتب بس ما اعرف شو اكتب انتي مسويه الواجب
والتسليم اليوم، بس هي البارحة فليل طرشته
رديت من الجامعه وعلى طول فتحت لابي وحاولت اسويه بافضل ما يكون، وطرشته لها
توها مطرشه لي ع البيبي، وايد مختصر
انا اهنيه وخلاص طفح الكيل عندي
بصراحة احسها تستغلني، حتى ولو كانت ربيعتي من الابتدائي وحسبه اختي، بس بعد الواحد له طاقه، انا والله من كثره الاشيا لي عندي ارقد الساعه 1 واقوم على 5 او 6 واداوم وارد اكرف واخلص لي عندي وفوق هذا اسوي واجباتها وهي تعرف اني مضغوطه ومقربه على الفاينل

انا ما عندي مشكله اساعدها ربيعتي وعلى عيني وعلى راسي لو ما ساعدتها من بيساعدها؟ بس هي ما تتحرك، الواحد ما يتم نفس ماهو الحين سنتين على هالحال، يعني تتعلم المهاره ومب لهدرجة صعب شي ترجمه قوقل وغيره للي ما يعرفون اللغه.

لو كنتي مكاني شو بتسوين:-

1) كيف تقولين لها لا بذوق اني ما بحل لج واجباتهج(للعلم جربت ان اتهرب، واقول اني بزي بس ماشي فايده تاجل واجبها)؟

2) كيف تقنعينها انها هي اصلا مب بزي ولا عندهم شي في الجامعه، يعني لاتفخم الامور ( لان حتى في الجامعه تسوي عمرها ما عندها وقت، وضغط وغيره)؟

اتريا ارائكم

هلا
1) كيف تقولين لها لا بذوق اني ما بحل لج واجباتهج(للعلم جربت ان اتهرب، واقول اني بزي بس ماشي فايده تاجل واجبها)؟
قووليلها انها بااجر يوم بتشتغل ما حد بيسااعدها
لازم تعتمد على عمرها
في واايد معااهد في الامارات تعلم
2) كيف تقنعينها انها هي اصلا مب بزي ولا عندهم شي في الجامعه، يعني لاتفخم الامور ( لان حتى في الجامعه تسوي عمرها ما عندها وقت، وضغط وغيره)؟
قووليلها انا عندي واايد شغل ولا يمكن هالسنه احل لج شيء
وبس
موفقة^^

فهميهاا وقوليلها انج انتي مب دايمهـ حقهاا يعني مب كل ما بحتاجج بتلاقيج فييهـ ،، انتي من البدايه المفروض توقفينهاا عند حدها باسلوب حلوو من دون تجريح ،، قولي حبيبتي الجامعهـ ما تبا حد يحل عن ربيعتهـ هالشي مفروض ع كل بنت لازم انتي اللي تحلين واجباتج برووحج عشان تتحسنين ف اللغهـ وتقدرين تحليين بسهوله قوليلها انا بساعدج بس خلااص انا عندي امتحانات ومشغوولهـ ولا تأجليين واجباتج لاني اباج انتي تتعلمين واذا ما فهمتي ترجمي كل سؤال بسؤالهـ وماشي صعب،، بعدين الجامعه ما عندها 1 2 ما تعرفين انجلش يطلعونج خليها تتعتمد ع عمرهااا شوي .. الجامعهـ ما فيها ضغط اللي يراجع ويحل كل واجب بواجبهـ واذا ما عرفت تحل خليها تيب لها مدرسه ادرسها والا تدخل معااهد ..
والسمموووحهـ واايد قرقريييييت