انزين مابا اطول عليكم بدش فالموضوع على طول
بنات كان عندي ربيعة غالية على قلبي وبسبب فروض افترقنا كنا مخططين انسوي وايد اشياء فالمستقبل بس اتحطمت امالي كلها
ونا للحين مب قادرة انساها ابا اقتراحات منكم عشان اقدر انساها وان شاء الله تساعدوني
هذا حكم القدر
و صدقيني هي راحت و بعد فترة الله بيعوضج شخص مكانها
بس حاولي تختارين الشخص الصحيح الصالح مكانها مب مني و الطريج بس عشان يسد فراغها
و بقولج انا بعد كانت عندي ربيعة اقرب لي من انفاسي الكل يتحرى نحن توام من كثر ما ويا بعض عشان اسباب تافهه تفارقنا
بس بقولج شغله ليومج ذي ما تكلمت عليها بشينه و ان شاء الله ما تكون متكلمه علي بشينه
احبها بقلبي و احترمها و اذكرها بالخير لو صارت بينا مشكله
حطي ابالج الصداقة ما تنتهي دام ما تتواصلون
بس ايي مكانها اشخاص اثمن و احسن باذن الله
و نصيحة لا تربطين عمرج بصديقة وحده كوني صداقات عديده
لان لو ربطي عمرج بعلاقة وحده بتتعبين لو صار فيها شي لكن خليج متعدده الصداقات
الله يسخر لج الصحبة الطيبة
ماتدرين يمكن ربي يعوضح بوحده احسسسن عنها بواايد
فترة وتنسييين ..ولازم تتعودين على هلشي لان الدنيا جي نفس ماقالت اختي اللي فوق
الدنيا تمشي بموت او فراق اشخاص نحبهم
______
انا كنت شراتج بس تعودت خلااص احس عاادي ناس تروح نلتقي بناس احسسن
متقلبه من حال الى حال
و لازم تتكيفين وياها
و ما تحطين نفسج في قالب معين و ترفضين التغيير
الانسان كل ما مر عليه يوم يتعلم و يتغير فيه اشياء كثيره كان يعتقد انها مستحيل تتغير فيه
و اذا استسلمتي و ما تعايشتي مع التغيير بتمين في قوقعه وبيتحول الى اكتئاب
حاولي تكونين صداقات ثانيه و تبتسمين للحياه
ان شاء الله بتحصلين اصدقاء غيرها و يمكن احسن منها بعد
