صرت افكر فيها وايد :(

السلام عليكم ورحمة الله وبركاتة

بنات أنا عمريه 16 , وأنا انسانه هادية معظم الوقت وكل اللي ف خاطري ما اقوله يعني كتومة وسوالفيه ويا ربيعاتي سوالف عادية.
انزين مب موضوعنا هذا بس اني اقول لكم الملخص علشان تنصحوني بشي يفيدني .
القصة إني دخلت مدرسة يديده وحياتي كللللههها تغيرت لما دخلت هذي المدرسة. أنا دخلتها لأن صارت لي مشاكل السنة الماضية مع بعض البنات واميه قالت انها بتنقلني وتمت تقولي هذا لمصلحتج .
المهم .. ومن دخلت المدرسة هذي فأنا كنت معظم الوقت هادية وما اتكلم مع البنات على اساس مابا مشاكل. المهم مر الفصل الأول وتعرفت على بنات الحمد لله رب العالمين زينات وبنات عرب وقبايل.
بس المشكلة من الفصل الثالث في بنت الله يستر عليها متناقضة مادري كيف افهمكم بس هي جي. من بدا الفصل الثالث وأنا ف الصف تقريباً اشطر وحدة أو يمكن في بنتين اشطر مني من حيث العلامات. فحصص الرياضيات هي تكون ف مجموعتيه . ف كل ما احل شي اقعد افهمها وجي. واحاتيها اذا فهمت . أنا ما أعرف عنها شي الا اسمها واسماء ربيعاتها.
مرة فحصة الرياضيات رجعت وهي تصيح ظلت يالسة وتصيح وأنا ساكتة ماعرف شو اسوي . المهم كان فيني فضول اعرف ليش كانت تصيح.
بس مرت السالفة وما عرفت.
وبالصدفة كنت ف الحمام ( اكرمكم ربي ) ابدل ملابسيه بعد حصة الرياضة . وأنا ابدل دخلت هذي البنت ويا ربيعتها يتغسلن وكنت اسمع شو يقولن. كانت هذي البنت تتكلم عن مشاكل ف عايلتها ويا ربيعتها . كنت منصدمة ومن ذاك اليوم تميت واااايد افكر فيها .
ألحين على أيام الأمتحانات وهذي البنت صارت متعودة اني اشرح لها اي شي مب فاهمتنه وجي , صرت الحين ارتبك اذا بيي اكلمها أو اقول لها شي. صرت اتجاهل اسولف وياها من كثرة الارتباك .
لما قلت انها متناقضة قصدت ستايلها. مرات تكون بنوتة وستايل بنات وكيوت ومرات ستايلها سبورت وأولاد.
صرت كل يوم قبل ما انام افكر فيها واحاتيها . ويوم قلت حق اميه قالت لي استعيذي من ابليس وادعي لها بدال ما تحاتينها جيه.
يوم قلت حق ربيعتيه اللي كانت ويايه ف السكول القبليه قالت لي يمكن انتي معجبة فيها أو عندج مشاعر اعجاب. انا استغرررربت كيف تقول ربيعتيه لي جي وصرت اخاف من ها الشي . وأنا مستحيل أعجب ف بنت .

وربي حاولت اني انسى سالفتها وجي بس ما قدرت . كل ما اشوفها ف المدرسة أحاول أروح مكان ثاني. مادري ليش صرت اخاف منها أو اخاف اني اكلمها. أنا ما أقصد شي بس صرت اتوتر منها مع انها طيووووووبة حييييل وسوالفها وناسة ووسعة صدر.

أتمنى وحدة منكن تنصحني , على الأقل تقول لي اي شي .

ربيعتك القبلية غلطانه بكلامها شو اعجاب ما اعجاب استعيذي بالله ولا تخبريها سوالفك دامها تفكر بهالطريقة,ويمكن تمزح
كل انسان عنده بحياته مشاكل واسرار,مش مهمتك بالحياة انك تبحثي فيها
الرسول صلى الله عليه وسلم يقول: من راقب الناس مات هما
سيبك من الافكار السلبية وتعاملي معها مثل اي زميلة أخرى,ولا تكثري التفكير هذا كله من الشيطان

خليج طبيعية وياها ولا تفكرين وايد تدرين كل بيت فيه مشاكل اهتمي بدراستج حبوبة وربي يوفقج

والله اختي بقولج شي نحن ما نقدر نصحج لانه ما نعرف شو مشكله البنت و شو سمعتي عنها لكن ما دري احس الموضوع عادي شوفي لو انتي تحسين انج تقدرين تساعدينها في حل لمشكلتها كلميها شوي شوي وبهدوء عشان تتقبل اى رمسه منج لكن انج تبتعدين عشان مشكله هي يمكن مب دخل فيها احس مالها داعي و شو دراج يمكن هي محتاجه انها تسمع رأي حد او حد ينصحها والا ما كانت بتقول لربيعاتها و بخصوص ستايل البنت لا تعطين اى انتباه له خذيها بأسلوبها و شخصيتها و تفكيرها مب فاللبس ما يخصه ابد فكري بمنطق دامج تحاتين البنت روحي رمسيها خلج عادي وياها فالبدايه واتقربي منها شوي شوي يمكن هي من نفسها اتي تقولج الموضوع وهو الاحسن انج ما تخبرينها انج سمعتي السالفه عشان ما تاخذ موقف و الحب ما يخصه فالسالفه

لا تحاتين و تقربي منها شوي شوي و راح تفتح لك قلبها و تقول لك بالسالفه
صديقتك الأوليه غلطانه ما تقول كذا و يمكن تمزح
و الحب ما له خص في السالفه
و لا تتعبي حالك بالمحاتاه

شكرا لكن ريحتني .

اذا كنت شجاعة وتقدرين تساعدينها بس بطريقة غير مباشرة يعني شوي شوي كلميها بالموضوع
بس اذا ما تقدرين على هذا كوني طبيعية وياها ولا تدخلين في مواضيع ما تقدرين عليها