الكل منا يعرف انه الزواج رزق من رب العالمين وانه الله تعالى هو القادر انه يرزق كل وحدة فينا بالزوج الصالح بإذن الله لكن تعالوا وياي نوقف لحظة ونجاوب على هذا السؤال : شو هي أسباب تأخر الزواج في نظركم ؟ المساحة مفتوحة للجميع عشان نعرف شو هي الأسباب الي أدت لتأخر الزواج في مجتمعنا
متطلبات العرس الباهظه للفشخره
الذهب اللي ما ينلبس صار غالي
لو كل شخص يسر على بننته ابرك له من هذه اللسته طلبيات
المهور غاليه
متطلبات العرس الباهظه للفشخره
الذهب اللي ما ينلبس صار غالي
لو كل شخص يسر على بننته ابرك له من هذه اللسته طلبيات
وياج حق المهور سبب من الأسباب بس صدقيني مثل ما في طمع الفلوس والتباهي لبعض الأهالي في بعض الأهالي يطلبون على قد مقدور الخاطب مراعاة لظروفه وامكانياته
اضيف ان الرجل هلايام يدور لبنته واحد موضف او حالته ماديه تكون تمام .ومركز اجتماعي ومن هلسوالف .وماينضر لاخلاقه ودينه .وربي يرزقني وجميع بنات المسلمين العفه الزوج الصالح اللي يستر علينا يارب
انه الريال يدور لبنته على ريال موظف ويشتغل هذا مب عيب مب معقولة يعني يتقدم خاطب ما له شغل كيف بعيش البنت ان ما كان عنده شغل وراتب يصرف منه على البيت الأخلاق والدين أكيد الشيء الي يتقيم عليه الريال والفلوس ممكن انه الواحد يتغاظى عنها لو راتب على قده مب مشكلة لكن انه اخلاقه تكون شينة هذا شيء طبيعي انه الوحدة ما تقبل به .. اللهم آمين ..
ضافة لما ذكرتوه ممكن لانه الرجل حصل البديل !! صرت للاسف اشوف شباب عرب مع فلبينيات ماشيين ايدهم بايد بعض . للاسف مفهوم girl friend موجود بمجتمعنا .
المعتقدات الأجنبية هي الي سببت مثل هذه المشاكل في المجتمع
صحيح المهور غالية وصحيح الحياة صعبة ماننكر هذا
ولكن نفس الشاب اللي محتار ويدور على عروس لو طلبت منه مهر يليق فيها يسحب نفسه ويتعذر بالمهر
وبعد ايام يشوف سيارة يعجبه موديلها ويفكر فيها ليل نهار يومين ثلاث لو كان سعرها اغلى من المهر اللي تطلبه العروس يشتريها
طيب …..
هذا عدل من الرجل ؟ لوكان صحيح يحتاج لزوجة ويبحث عن الحلال والستر ؟
لوكان يفكر بعقل بعيد عن الطيش ….الاولى له ان يستقر ويربي عيال
مب يفكر بسيارة ورقم خاص لها ومميز اللي سعره بيوصل 4000دولار
ويتعرف على بنت ويكلم بنت ويطلع مع بنت وحياته منوعة ماشاءالله
ومايعجبه الا العجب او يقول اباها مثل الفنانة الفلانية
ولو كانت في بنات تبالغ كثير في متطلباتها
ولكن بصورة عامة البنات تدور على الستر وتبا من يشاركها حياتها وتتنازل عن كثير اشياء
تدور عن امومة عن صحبة مع زوج يفهمها ويكون لها صدر حنون
يضمها اخر الليل من تعب الحياة وكدرها
منو تقدر تقول لي الحين لا انا ادور عن فيلا وسيارة وسفر والماس
لو تقولون صحيح نحب هذا
بس من الداخل الكل تبحث عن الحب والامان
وتسلمين على هذا الموضوع اللي باط جبدي على صديقات لي ….