ربيعتي مطلقه وعندها عيال …
وتقدملها ريال معرس بس من فتره طويله مايابت عيال …
وهو يبا يتزوجها يبا عيال !!!
حليلها متردده ماتعرف شو تسوي بس هي في خاطرها تعرس بسرعه
لانها تبا تعف نفسها بسرعه لانها تقول خايفه على نفسها من الفتنة وهي صغيره 29 سنه
قلتلها استخيري
وحبيت اعرف راي المجربات واعطيها من خبرتهن شوي
لازم تهيأ عيالها لهالشي
لان لو روحها بنقول تستخير و الله يجدم اللي فيه الخير
بس دام انه عندها عيال لازم تشاورهم …
وهل عندها استعداد انها تتنازل عنهم اذا طليقها رفع عليها قضية وخذهم !!
و تشوف هالشخص اللي متقدم لها هل مستعد ياخذها مع عيالها ولا بس يباها هي روحها
و في النهاية تستخير
خل تربي عيالها أحسن لها ومافي حرمه تقول أخاف من الشيطان وغيره الا اذا كانت هي سهله سامحيني بس هاي وجهت نظري
تستخير ربها وتتوكل واذا خير لها بتتيسر الامور اذا مب خير بيتفركش كل شي
خلها تستخيير …
والله يوفقها وايسر امورها …
أهم شي تستخير والموضوع بيتم اللي فيه الخير إن شاء الله
أستخيري عزيزتي وتوكلي على الله وجزاك الله خيرا على حرصك وان شاء الله بيرزقج الزوج والاب لعيالج وكثري من الاستغفار والاستعانه بالله