حياتي متلخبطة

السلام عليكم ورحمة الله وبركاته ،،
مطلقة وبدون اطفال وعمري 43 وبدأت الدورة عندي تتلخبط وسرت للدكتورة تقولي هذه بداية اعراض سن اليأس والله اسودت الدنيا في عيني سن اليأس وانا بدون اطفال وبدون زوج وحياة عائلية كلها مشاكل حاسة عمري بدون سند في هذه الحياة الكل مشغول بنفسه واسرته وانا لو اطيح مريضة كم يوم محد يحس فيني بس الحمد لله ملتزمة استغفر واذكر الله وايد واقول الحمد لله مرات احن لطليقي الصراحة هو كلمني كم مرة وقال نرجع بس بالسر بدون ما زوجته الاولى تدري لكن رفضت لان سبب طلاقي ان زوجته الاولى عرفت بزواجنا اللي كان بالسر وجلبت الدنيا وطلقني عشانها وعشان عيالها احس ان خلاص ما محد بيتقدم لي خلاص بتم جي على طول بس والله اتحسر على نفسي واااايد شو سويت بدنيتي عشان يصيرلي هذا كله انا الحين طموحي رجل عنده عيال واربيهم لاني اموت على العيال بس يكون ارمل او مطلق ماعرف ليش اكتب وافضفض محد حاسس فيني حاسة بوحدة فضيعة وماريد اتم جي باقي عمري .
والسموحة على المغثة والاطاله