تعقيدات قانونا

السلام عليكم بنات ابغي اسألكم اذا المطلق بغى يسفر ولده وهو فحضانتي أسبوعين هل يحق لي أني أعترض ،،،،،احس قانونا معقد يعني الام مايحق لها اتسافر بالعيال إلا بموافقة الأب والاب يسفرهم بدون حتى ما يأخذ رأي الام،،،ًالي مرت بتجربه اتخبرني يزاها الله الجنه،،،

لأن الأب هو أساس وجود أبناء

الرجال قوامون على النساء .

بالعكس قانون مش معقد بل وجد لحل المنازعات كهذه

فبعطيج مثال

شخص عربي تزوج أجنبية ومش من ديانته
الأطفال ياخذوا جنسية و ديانة من بالطبع الأب لأنهم يتبعون الأب

فشي أساسي هو مسؤول عن عيالة ومثل ما قلت لكِ هو أساس وجودهم

وحرام عليج تحرمين أب من ولدة هو قال بيسفره

فقط لأسبوعين مب لسنة كاملة

لاتحرمينه من أبوه وهاي فرصة لوجود أب مع ابنه

ومن حقه أن يقوم بأخذ ولد منج إذا تعرض للإهمال وأذى

أنا أتكلم وياج بعقل قانوني لأني كورس كامل درست أحوال شخصية

وليس من حقج الإعتراض لأن هالشي من حق الأب

اتمنى أفدج

والله ماعرف بس اظن دام فحظانتج ماله حق يسفره من دون شورج لانه نظامنا مب اجنبي يوم عند الاب ويوم عند الام واصلن ما يقدر يشله غصب لانه بيتحاسب عنده شي يروح المحكمه ولا المحامي يتفاهم معاج ابوه صح بس الحضانه عندج يعني انتي مسؤوله مب سبيل هوه تعال وشل اذا مب راضيه طبيه عنج وقوليله ماشي اذا ما عيبه قوليله شل الولد وابلغ عليك شوف ويشوفه ليش السفر بعد الا اذا انتي تفاهمتي مع الولد والولد بغا والابو تحسينه زين هذا راجعلج

بصراحة أني معاها.. شنو راح يصير لو ابنج سافر مع أبوه؟؟
لا تخلين العواطف تدفعج لأمور خاطئة وقرارات سيئة بحق الصبي..
وكلي أمرج لرب العالمين وصفي نيتج ولا تخلين مكان لأحاسيس البشر الموووو زينة في قلبج..

معاها

عليكم بالاستغفار
{اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً}

صح ابوه على عيني وراسي وانا بالعكس ايهمني وايد الولد يتواصل ويا ابوه وانا اللي اخليه يتصله دوم بس الولد مسؤليه يعني انا احاتي البلاوي الي برع الولد يحتاج مراقبه مثلا شو يشوف في الفندق من قنوات والقنوات الوسخه حدث ولا حرج ومثلا اذا بغى يسبح في احواض السباحه التابعه للفنادق ما شاء الله فيها من هالمصرقعات والأب مايهتم من هذي الناحيه فانا بس ابغي اعرف قانونيا يحق لي اعترض ،،،وبعدين اذا انا نويت العمره وابغي اخذ الولد قانونيا يحق له يعترض ويمنعني