الساغو أو الساقو مب مشكله ساعدوني

بنات ماعرف أسوي الساقو( اللي حباته مدوره بيضا ) ما يضبط قولولي شو هي الطريقه الصح
بالمقادير إذا ممكن ؟؟

هلا اختي انا بقولج الطريقه الي يسوونها عندنا في البيت انا ماسويته بس اشوفهم يوم يسوونه وهو تييبين سكر وتحمرينه على الغاز الين مايصير لونه ذهبي مايل للاحمرار بس لاتحرقينه عشان مايمرر وبعدين اتصبين ماي عليه وتضيفين هيل وماي ورد وزعفران وعين الجمل وتخلينه الين مايفور الماي وتضيفين الصاقو وتقلبينه ولما تشوفينه يطبخ قصري عليه وخليه يطبخ وكل اشوي قلبيه عشان ماتحترق قاعة القدر وقلبي الين ماتختفي الكور البيضا بس وبكذيه يكون خلص وصبيه في صحن التقديم وزينيه باي مكسرات وعليكم بالعافيه

خلي الشكر يحمر ….وضيفي الماي والزعفران والهيل المطحون والماي ورد والزبدة لا تنسين لازم يكون الساقو فيه زيت وزبدة وبعدين لما يفور الماي ضيفي حبات الساقو لين يبدا يفور حطي زبدة وزيت …..بعدين حطي عليه اللوز المكسر او عين الجمل وشلي الجدر وحطيه بالفرن وروحي وتعالي عليه وقلبيه وبتلاحظين انه استوى .
الله يهنيج بأكلتي

حبيبتي اهيا تحط (3أكواب ماء + 12 ملعقة نشا + كوب ساجو) تنقع بالخلاط لمدة نصف ساعة وتطحن بعد ذلك بالخلاط.
نضع القدر على النار ونضع 3 أكواب سكر على نار متوسطة الحرارة ننتظر حتى يذوب السكر مثل الكراميل.
يضاف إلى السكر قالبين زبدة حتى تصبح شقراء وتترك قليلاً إلى أن تذوب الزبدة.
نضع المقادير التي تم خلطها بالخلاط فوق السكر بالتدريج وتترك الحلوة على النار حتى تتجانس مع بعضها.
أخيرا يوضع الهيل والزعفران وماء ورد والمكسرات حسب الرغبة.
وأسألكم الدعاء

اختك نجلا

مشكورات خواتي المها وهتون1 على الطريقه ( أنا أعرف الطريقه ) بس تطلع لينه وايد يوم أطبخها
ممكن المقادير ؟؟
مشكوره أختي نجلا على الطريقه اليديدة بجربها وبدعيلج

الظاهر انج ماتقايسين الماي عدل خلي الماي اعلى عنه بشوي واذا احتاج زيدي لين توصلين للسمك الي تبينه