ابا طلب

السلام عليكم ورحمة الله وبركاته

بنات تعرفون الناتشوز الي يبيعونه فالسينما انا واااااايد احبه

وما اقدر اروح كل يوم السينما عشان اكله

انا بس ابا اعرف وين يبيعون الجبنه السايحه او وصفتها

وثانكيوو

حتى انا خاطريه اعرف من وين يبيعونه أو اشقايل يسوونه

مرحباااااااااااااابج بنت الخوري ويانانا في المنتدى منوره الغاليه……………………………… وانا بعد في خاااااطريه اعرف شغايل يسوونها ان شاااء الله حد يفيدنا

انا وياكم بنتري اللي يفيدنا

فالكم طيب ام منصور ما تقصر بس ابي اوضح لكم شي انى المثلثات الناتشوز هي اصلا جبس جاهز ينباع في السوبر ماركت و بعض الجمعيات و بكارفور و يالله اكتب لكم الطريقة بس منقووووله

المقادير :

ناتشوز شيبس (يفضل المثلثات)
زيتون أسود خالي من النوى
طماطم مقطعة مكعبات صغيرة
بصل أخضر مقطعة
فلفل هلبينو (مخلل)
جبن شيدر مبشور
كأس جبن شيدر سائلة للتغميس (تستخدم في الأكلات المكسيكية وتكون مخلوطة مع صلصة الناتشوز)

طريقة التحضير :

هزي صينية فرن أو صحن فخار وضعي بها الناتشوز.
انثري فوقها الجبن الشيدر المبشور والزيتون والطماطم والبصل الأخضر والهلبينو.
ادخليها الفرن لمدة 3 دقائق حتى يذوب الجبن.

++++++++++++++++++++++++++++++
و هذي بعض الصلصات الي ممكن تغمسين فيها الناتشوز

+++++++++++++++++++++++++++++++

هذه ألذ وصفه للناتشوز أو ممكن مع الشبس العادي لذييييييذه جداً
هذه الوصفه لشخصين:
-3 ملاعق من الروب (الزبادي)
– ثلاث ملاعق من المايونيز (انا احط أكثر لاني احب المايونيز)
-ملعقه واحده او ملعقه ونصف من الليمون
-ملح حسب الرغبه
-ملعقتين من البصل المفروم صغير جداً
-ملعقتين من البقدونس المفروم
-يمكنك إضافه القليل من الثوم لوتحبين (انا افضلها من غير الثوم)
وحطيها بالثلاجه تبرد وغمسي الناتشوز فيها وادعيلي
وبالهنا والعافيه
++++++++++++++++++++++++++

بالعافيه

بتحصلونها في كارفور

على فكره بنات الجبس موجود بس في ابيلا

والله يعطيكم العافيه وحده وحده وتسلمين يا ام منصور واشكرج على جهدج