خواتي الحقوني اريد المساعده فلاتبخلون عليه

السلام عليكم
اخوتي اهل زوجي بيزوروني يوم الاثنين
على العشاء وابغي اسويلهم اطباق شهيه وغريبه

يعني ابغي اغير من الاكل الى كل مره اسويلهم اياه فرجوم من خواتي انكم ماتبخلون عليه وتعطوني وصفات حق الحلويات والكيك والاطباق الرائيسيه
مثل اعيوش ومعكرونه ومعجنات وسندويجات وصلاطات وعصاير لاتبخلون على اختكم يزاكم الله خير

حبيبتي شوالاكلت الى انت اسويها
عشان نعطج وصفات ثانيه

مشكوره الغاليه على تواصلج معي انا الطرق الى اسويه عاديه مثل البيتزا والكروسون … والعيش البرياني الهندي وعيش صيني ومعكرونه بالبشمل .. واشياء عاديه يعني مافى شي جديد ابغي اغير

بقولج هالاكلات وان شاء تعيبج وكلها مناسبة حق العشاء واذا عيبج شي وتبين الطريقة فالج طيب
على فكرة كل اللي بحطه لج ما ياخذ وقت في التحضير
المقبلات
فتة الباذنجان مع الدياي – بيتزا (بعجينة الفطاير العادية) – فطاير محشية بالهوت دوج – بطاطا وجز مشويه بالفرن متبله بالاوريجانو والكتشب واكليل الجبل (لذيذة)
الطبق الرئيسي
عجينة البيف باستري بالدجاج – لازانيا بالخضار – سندويجات الصمون الصغار باللحم المفروم او بالدجاج والمايونيز
الحلو
كب كيك (سهله وايد) – حلا بالشوكولاته (بعد سهلة وما تاخذ وقت وتسوينها قبل بيوم وتحطينها في الثلاجة) – ام علي (طبعا معروفه) – سمبوسه بالحلوى –

ممكن اختى اسولهم سلطه بالجبن سلطه عاديه واضيفي الزيت زيتون وعصير ليمون والبقدونس والجبن
-صينية بطاطس بالفرن تكوني سالقه البطاطس وهارستنهوضفي عليه الملح وفلفل اسودوملعقه زبده ضعي نصه في صينيه مدهونه وفوقه اللحم المفروم او الدجاج مثل ما تسوى للمكونه بالبشمل والطبقه الاخيره ضعى النصف البقي من البطاطس ودهنيه بزبد
-ليش ما تسوى المقلوبه لذيذه
-سوى مثل خبز الجباتي او البراتا وضعى فوق كل خبزه حشوه الى تبينها خلطة لحم او ادجاج او خضره مستويه او خلطة دجاج بالموينيز او جبن بالخيار والجزروالموينيز وتلفين الخبزه وتتجصينها من النص
-الفتوش والتبوله
-والحلويات عندج السنبول نفس عجينة الفطاير بعد ما تخمر خذى جزء وفرديها ودهنيها بجبنه كيري وضعى عليها الخلطه وهي جرفه مطحونه وضعفها سكر مطحون واي نوع من المكسرات مثل الفستق او الجوز ويكن مدقوق الى ناعم ولفي العجينه على شكل اسطوانه وقطعيهاوعدلى القطع في الصينيهوبعد ما اتخلصى الكميه دخليها الفرن وبعد النضج طلعيها وصبي فوقها حليب مركز ومحليبعد ما تصفيها بالطبق
وبالهنا والعافيه
ها شو تبن شي زياده

مشكووره الغاليه ولحقيني اليووم بطرق على شان اسير اشتري الاغراض الي نقصتني … ماشي واقت باجر ان شاء الله بيزوروني ويزاج الله الف خير