حشوه السبانخ الطريقه؟؟

السلام عليكم

لو سمحتو انا بغيت اعرف كيف طريقه فطاير السبانخ اللي يكون فيه حموضه قليله..

اللي يعرف طريقه الحشوه يا ريت اتعلموني…

فأنتظار الرد..

جزاكم الله الف خير…

بصراحه انا ما قد جربتها ..بس اختي مجربتها وسألتها عن الطريقه وقالت لي :
المقادير :
بصل
سبانخ
صماغ
القليل من الزيت
ثوم{حسب الرغبه}
الطريقه:
تسخنين مقلاه وتحطين فيها القليل من الزيت ثم تضيفين البصل وتخلينه لحد ما يذوب..يعني ما تحمرينه وايد..بس مجرد انج تذبلينه..وبعدين تضيفين الصماغ والسبانخ المقطع {مش مفروم ..مقطع قطع صغيره}
وتخلينه لين ما يذوب{وعلى فكره السبانخ ما ياخذ وقت في الطهي}
وبعدين اذا حابه تحطين ثوم حسب ذوقج..
والسموووووووووووووووووحه منج..
هذا اللي اعرفه..

المقادير:
كيس سبانخ مفرومه
3 بصلات مفرومات
نصف كوب عصير ليمون
نصف كوب زيت زيتون
نصف ملعقة بهارات ، نصف ملعقة ملح
ملعقة سماق

الطريقة:-
تنقع المقادير كاملة لمدة نصف ساعة ثم تصفي وتحشى الفطاير .

ما شاء الله الاخوات ما قصروا وانا ما قط سويتها بس الحموظة تيي من دبس الرمان فدورت في المنتديات و حصلت هذه الخلطة وانشاء الله اكون فدتج :22 (7):
:1 (4):

حشوة السبانخ
المقادير

حزمة سبانخ (ربطة) او كيسة
بصلتان
ربع كاس ليمون
ملعقة صغيرة سماق
ملح
فلفل احمر مطحون
كمون
اربع ملاعق زيت الزيتون

ملعقتان دبس الرمان

:1 (4): :1 (8):

طريقة العمل

يقطع السبانخ ويترك جانبا ويقطع البصل الى قطع صغيرة ثم يحمر مع زيت الزيتون على النار ثم يضاف اليها السبانخ ويقلب حتى يجف من الماء ثم يضاف الفلفل والكمون والملح والسماق وعصير الليمون وقليل من ملح الليمون و ملعقتان دبس الرمان ويوضع في مصفاة ومن ثم يحشى في العجينة

والسموحة

تسلمين الغاليه وجزاج الله كل خير

انا مجربه طريقة نواره 2024 بصراحه تطلع حلوه ولا تترددون في تجربتها

ما قصرتوا وانا أحب اضيف شطه شويه