ساعدوووووووووووووني

مرحبا

بنات الله يخليكم

انا ناويه اسوي سويت للعيد يعني شي يديد وحلو ومرتب

وابهر فيه بيت اهل ريلي

ياعدوني بأفكاركم

وانتو اتعرفون حلويات العيد يعني اتكون ميني وتنحط في قراطيس صغيره لتقديم

ومشكورات

للرفع

هلا فدييييتج

انا بصراحه دوووم اسويي عند وحده تسوي حلويات حلوه وتزينها بشكل حلو

اذا تبين رقمها راسليني عالخاااااص

انا عندي سويت طررررررررررررررر بييب لج الوصفه
لي عوده

عدت والعود احمد
المقادير:كوبين حليب نيدو-43 كوب سكر- 2 بيض-نص زبده-3 قشطه-2 ملعقه شاي بيكنج باودر-1ملعقه فانيليا-علبه بسكوت دايجستيف او اي بسكوت للشاي
الطريقه:اول شي انحمر حليب النيدو على نار هاديه طبعا بدون زيت لين ما يشقر لونه واتحملي تراه بسرعه يحترق وبعدين عقب ما انخلص ننخله ونخليه على صوب
الخطوه الثانيه نخفق السكر مع الزبده لين 3 دقايق وعقب انضيف البيض والقشطه ونخفق زين مازين عدل مدل وعقب انييب الحليب اللي حمرناه ونضيفه مع هالخلطه وانتم نخلط لين مايتجانس
الخلطه بيكون لونها بني لا تستغربون تراه بسبه الحليب
والله لو ذقتي الخلطه مابترومين تتريين لين عقب
المهم اتحطين جزء من الخلطه خل انقول النص في بايركس او صينيه الفرن وعقب سطحيها باستخدام ملعقه او سجين وعقب ييبي البسكوت وصفيه فوقه ودخليه الفرن واتريي لين ما تجمد الطبخه اشوي طلعيها وحطيه النص الثاني من الخلطه فوقها ورديها الفرن وخليها لين ماتصير تقريبا يبالها ثلث ساعه او اقل او اكثر شوي وعقب طلعيها خليها تبرد يمكن اتشوفينها منتفخه شوي عادي مال البيكنج بودر خليها تبرد وعقب قطعيها مربعات وحطيها في اكياس التقديم الصغيره والله هذا ويهي اذا ماعيبتج الطبخه
بقلج شي يمكن شكلها يكون مش حلو بس الطعم اينن
المهم اذا عيبتج لاتنسين تدعيلي
موفقه