وسمعت انه يستوي عصير شو الطريقه والي عندها طريقه او فكره لاستخدام الشمندر لالالالالالالالاتبخل علي
يالله اترياكم
اول شي.. حطيه في ماي وخليه يغلي مدة 10 دقايق وتبشرينه
تكونين مجهزة مكرونا مسلوقة.. وشوي بقدونس.. وذرة
سوي طبقة مكرونا .. وذرة وبقدونس وشمندر.. وبعدين مكرونا وذرة وبقدونس وشمندر..
واكليه واااااااااااااايد مفيد.. ويرفع مستوى الدم في الجسم
ممكن تبشرينه وتحطينه في السلطة العادية بس حاولي تاكلينها بدون تتبيلة عشان مايفقد فوايده
او ممكن زيت زيتون وذرة ملح
وممكن عصير .. بس طعمه لايستسااااغ
وممكن تسويه مخلل ….كوب خل مقبل خمس اكواب ماء + ملح وسبوع الاوهو مستوي وتحفضيه في الثلاجه وممكن تخلليه مع خضار مشكله مثل الجزر و القرنبيط و الفجل
وبالعافيه
اتيبين الشمندر وتغسلينه وتنظيفينه من غير ما تقطعينه ..خليه مثل ما هو …حطيه بالجدر ..وصبي عليه ماي وخليه يفور لمدة ساعة كاملة..وبعدين طلعيه وقشريه وقطعيه وكليه وبالهنا والعافيه..
ملاحظة.. لا تقطعين الشمندر حتى اذا كان حجمه كبير ..لانه اذا قطعتيه بيفقد اول شي الفيتامينات وبعدين طعمه بيطلع مب حلو …
ممكن تسوينه ناشف .. تفورينه وعقب تقصينه مكعبات وتحمصينه ويا بصل وثوم وفلفل وتاكلينه ويا العيش..
وممكن تفورينه وتقصينه مكعبات وتخلطينه ويا روب ويكون كسلطة…
وممكن تسوينه مثل سلطة بيتزا …تفورينه وتقصينه شرايح..
وممكن تسوينه سلطه .. تفورينه عدل .. وتقصينه مكعبات .. وخيار مخلل .. وذرة .. وتخلطينهم وتحطين عليه روب ولبنه ..
هاللي اعرفه عن الشمندر.. وان شاء الله قدرت افيدج