بليز ساعدوني

هلا خواتي ..ممكن طريقة عمل سندويش الشوارما..زوجي طالبني سندويش شوارما ..خبرته انشالله.. مع اني ماعرف اسويها ..عاد قلت ماحد بيساعدني الا خواتي الامورات

انزين اختي

ريلج يحبها باللحم او الدياي.؟؟؟

.
.

انا دورتلج الصراحه بالدياي ^^

– المقادير ::

1- صدور دجاج الكميه الي تحتاجيها انتي اني هني حطيت سته
2- نص كاس زيت زيتون
3-نص كاس عصير ليمون وادا يزيد افضل بعد
4- بهار اسود او ابيض وفلفل احمر وملح
5- وادا تحبي حطي علبة روب زبادي

.
.
للعجينه :

3 كاسات طحين
كاس وربع ماء
ملعقه كبيره خميره فوريه
شوي ملح وملعقه كبيره سكر
بيضه

السلطه :

خس مفروم
طماطم مقطع شرائح او مكعبات
مخلل خيار
صلصة
طحينة وشطه وماء مقادير انتي تحدديها على حسب الكمية

الطريقه :
1- نحط الدجاج في حافظه نصب الزيت والليمون والبهارات والملح والزبادي ان حبيتي ونتركهم بالثلاجه يوم كامل افضل واحسن ( عاد منو متفيج يحط بالثلاجه يوم كااامل واذا كنا نبغيه فالليل .! )
2- بعد يوم من نقع الدجاج في الخلطه
3- نخد صدور الدجاج على صاج او مقلى تيفال ونقليه مع شريحة زبده حوالي ربع الزبده ونشويها مني لين شوي تتحمر مو شرط تنضج بالكامل لا شوي فقط تحمير .
4- نقطع الدجاج شريح مستطيله بعد التحمير الخفيف

العجينه..
1- نخلط الطحين والملح والخميره والسكر والماء
2- نتركها ساعه كامله ونص مني لين تخمر العجين
3- المقدار رح يكفي 15 خبز قسميها بتسوي 15

رح يكون رقيق لا تخافي يخترب عادي لمن تخبزيها

4- بنحتاج صاج تيفال او ادا ما عندج مو مشكله في مقلى تيفال

مو مخدوش او شي حتى ما يحرق الخبز

5- نفرد العجينه الي قطعناها وكورناها وفردناها بالنشابه

مو مهم يكون دائري تمام الي يصير

6- نخبزه ونلاحظ بين كل خبز لزوم ننظف الصاج حتى ما يحرق

الخبز ويصير اسود ومر طعمه

7- ناخذ الحين الحشو ونحط الخس والصلصة والمخلل ونلفها عادي
.
,

والسموحه منج ^_^ الطريقة منقوله