خواتي انا وحدة ادواااام وماعندي وقت للطبخ يا ريت اللي عندها وصفات سريعة وسهلة تحط لي اياااهاا ومنها تفيدوون خواتكم وتستفيدون…
تحياتي
على حسب اللي تبغين اتسوينه وجيه بتكسبين الوقت .. ولا دخلي المنتدى فالليل وشوفي الشي السهل وكتبيه وزهبي اغراضه من فالليل
يعني مافي احلى من الشوربه الفوريه
مثلا شوربة الماشروم ضيفي عليها بس ماشروم زياده وذرة فلفل اسود
شوربة خلاصة الدجاج حطي فيها الذروه والبروكلي والخظره اللي تحبينها ضيفي عليها علبة قشطه او كريمة الخفق
ضيفي الفلفل الاسود وبس الغاليه
الساندويجات
مثلا خلطة ديادي يالمايونيز اتسوين منها انواع الساندويجات مثلااا
هاتي السليس واحشيه بخلطة الدياي بالمايونيز قطعيه مربعات او مثلثات
غطيه بالبيض وبعدين بالخبز المطحون وقليه وقدميه باشكال مختلفه
نفس خلطة الدياي بالمايونيز هاتي السليس وقطعيه دوائر وغطيه بالخلطه وبعدين عليه جبن الموزريلا
وحطيه بالفرن ولا احلى الغاليه
وبنفس الخلطه صفي قطع السليس في فايروكس وحطي شوية جبن كرافت عليهم حطي الخلطه وردي غطيها بالسليس
في الخلاط اخلطي حبة طماطم مع 3 ملاعق كاتشب صبيه فوق الخلطه وعلى الفرن شويه وبس
ولي رجعه انشاءالله
والله انه هم كنت ارد من الدواام استلم المطبخ لين المغرب وعااد ريلي كل يوم عزاايم … بس الحين مرتااااااااحه
