الباستا بكريمه الفطر
الي تعرف كيف طريقتها لا تبخل عليا
وشو الكريمه الي بنحطها
والسموحه
صدور او افخاذ دجاج مقطعه مكعبات .. كريمة الخفق .. جبنة موزاريلا .. فطر .. باستا الشكل اللي يعجبكم
البهارت : ملح .. فلفل اسود .. فلفل احمر ( باربيكا ) ومكعب ماجي ومسحوق الثوم حسب الرغبه
وصوص تتبيلة اجنحة الدجاج ينباع جاهز في السوبر ماركات <– حسب الرغبه انا حطيته عشان نحبة حاار
وطماطم مطحونه + ملعقة معجون طماطم
————-
الطريقة
نسلق الباستا اول شيء ونضبف لها رشة ملح وشوية زيت عشان ماتتلاصق .. ونتركها تقريبا 8 او 10 دقائق
بعدين راح تصير بهالشكل .. نصفيها او نشلخهاا ونتركها على جنب
بعدين نجيب قدر ونحط فيه شوية زيت ونضيف له الدجاج ونقلب الين يصير لونه على ابيض
بعدين اضيف له البهارات واقلبهاا .. بعدين اضيف الفطر
وبعدين احط ملعقه تقريبا من صوص التتبيلة
في هذا الوقت اخلط في خلاط الجك الطمام المطحونه + ملعقة معجون طماطم + كريمة الخفق
واحطها فوق الدجاج بعد مايستوي طبعا .. واتركه يتجانس مع الدجاج ثم اضيف له الباستا
ذحين تكون الطبخه تقريبا استوت بس باقي نضيف لها الموزاريلا .. ونقلبهاا بالملعقه خفيف عشان ماتتعجن معانا
منقول لعيونج
يسلمــــــــــــــــــــــو يآ قلبي عالوصفه.
كيس شوربة كريمة الفطر اي نوع
بصله متوسطه مفرومه ناعم
فصين ثوم مفرومين
علبة قشطه مذوبه في كوب حليب بارد و 2 ملعقة شاي نشا او طحين
3 ملاعق طعام حليب بودره مذوبين في 3 اكواب ماء حار
علبة كبيره مشروم شرايح
ملعقة طعام ريحان اخضر مفروم او كزبره خضره لو غير متوفر او بصل اخضر
1 ملعقة شاي اوريغانو
ملح -فلفل اسود
زبده وزيت زيتون
اسلقي الباستا بس لا تنهري معاج بس تخلصين وتصفينها وهي حاره اضيفي لها ملعقة طعام
زبده و 2زيت زيتون ورشة ملح وفلفل اسود
حمري البصله بملعقة طعام مخلوطه زبده وزيت واضيفي المشروم وحمريه زين فيها واخيرا اضيفي الثوم ورشة ملح وفلفل اسود والاوريغانو اضيفي نص كمية المشروم للباستا وقلبيها زين وغطيها
على النار اضيفي بكت شوربة الفطر للماء اللي مذوب فيه الحليب وقلبيه وبس يغلي خففي النار جدا واضيفي القشطه المذوبه بالحليب وقلبيه حتى يغلي من جديد واضيفي له باقي حمسة الفطر وفلفل اسود والريحان او الكزبره او البصل الاخضر
قدمي الباستا واسقيها من الكريمه ورشيها جبن بارميزان ورشة اوريغانو
منقوووووووووووووووول