°•« كيكة قدرة قادر بالخطوات »•°

إليكم المقادير والطريقة

مقادير الطبقة الأولى:
نذوب على النار كأس سكر، إلى أن يصبح كراميل..
ونصبه في صينية الكيك..

مقادير الطبقة الثانية:
علبة نستلة المكثف المحلى
كوب ماء
5 بيضات ورشة فانيليا وهيل وزعفران
قشر ليمون

نخلط جميع المقادير في خلاط الكأس..
ونصبه فوق الكراميل..

مقادير الطبقة الثالثة ( طبقة الكيك ):
اي علبة كيك العلالي او اي ماركة ثانيه ويكون فانيلا مع 3 بيضات وثلث كوب زيت وكوب ماي(او حسب تعليمات التحضير في العلبه)

نخلط جميع المقادير جيداً..

ونصب الخليط فوق الخلطه السابقة بالتساوي في كل مكان نوزعه..
نحط الصينية في صينية أكبر ونصب فيها ماء
وندخلها في الفرن على درجة حرارة هادية تقريبا ساعة الا ربع ونتركها تنضج ..

بعد الاستواء نطلعها من الفرن ونتركها نص ساعه تبرد خارج..
وندخلها الثلاجة تبرد ما يقل عن 6 ساعات..
وكل ما زاد الوقت يكون أحسن..

نطلعها من الثلاجة ونقلبها في صحن التقديم..
نقطعها على حسب الذوق ونقدمها..

وبالهني والعافيه

تسلمين حبوبه على الطريقة…..بس حبوبه بغيت اسالج عن علبة نستل الحليب المكثف اي حجم؟؟؟؟

مشكوره حبيبتي

تسلميين يعطيج العافية

انا سويتها امس (اول يوم رمضان) وطبقة الكيكة سويتها بروحي،،، وفي كل طبقة كنت أحط مقدار غطاء خل عشان ما تطلع ريحة الزفرة… وطلعت عجيبة………… تسلمين اختي

يمي يمي بس لو شي صورت هالطبخه يكون احسن

للرفع

مشكوره حبيبتي