طريقة عمل القطايف بالخطوات
مكسرات متنوعه وقرفه وسكر وماء ورد وماء زهر
نخلطهم مع بعض بس لا نكثر من ماء الورد والزهر فقط ملعقه من ماء ورد ونص ملعقه من ماء زهر
وملعقه من سكر وقرفه
ومانسيت الثريد وخلية النحل بالجبن الكيري والسمبوسه باللحم
يتبع
وحان وقت الشوي الساعه 6 ونص المساء ههههههههههه
اسفه ماصورت السفره لان كان عندنا ناس وافتشلت ههههه
اتمنى يعجبكم ..،
وهني طريقة عمل الكباب الايراني بالخطوات
عجبتني خليه النحل اذا ما عليج امر فديتج اتنزلين او اطرشين لي الطريقة
كوبين طحين فاخر ابيض
4 ملاعق حليب بودره
ملعقه سكر
نص ملعقه خميره فوريه
تخلطينهم وبالتدريج تصبين فوقهم ماي دافئ وقبل لا يلين تصبين ملعقتين اكل زيت زيتون
وتدعكينهم بايدينج وتخلينهم نص ساعه تختمر
عقب تدهنين الصينيه بزيت زيتون وتاخذين من العجينه قطع صغار وتحشينه بجبنة كيري
طبعا جبن الكيري تقطعينهم مكعبات صغار وتصفينهم عدال بعض
وعقب تمسحين الوجه بصفار بيضه واحده وترشين عليه حبه سوده وتخلينه ربع ساعه
ومن ثم تدخلينه بالفرن لمدة نص ساعه و يكون الفرن مولع من قبل ومن تحت فقط
وعقب نص ساعه من تشوفين ان الخليه انتفخت والارضيه استوت ذهبيه تطفين الفرن من تحت
وتولعينه من فوق وتديرين بالج لا يحترق وتخلينه لحد مايصير الوجه ذهبي وتطلعينه
وتصبين عليه عسل او شيره او تخلينه جي بدون اي شي وبالعافيه عليكم
جربيه وخبريني يالغلااا