شخباركم خواتي
انا عقب اسبوع بظهر بيت روحي ان شاء الله
اعرف اطبخ كل شي والحمدلله
بس اهم شي ما اعرفه
دلة شاي حليب ودلة القهوة
الله يخليكم كتبوا الماي بالمقياس وكل شي
ويزاكم الله خير
بس مب تحطين الماي فل لا اقل عن الفل بربع وشكر حطي شوي شوي لين توصلين للحلاه اللي تحبينها
والقهوه لكل دله سعه العاديه مب الصغيره فنيان وشوي قهوه وتحطين بعد زياده داخل دله زعفران وماي ورد و هيل خشن
وبس
والقهوه نفس الشي حطي ماي وقيسيه فالدله عشان مايزيد عندج وعقب ماتفور حطي القهوه وجي
مادري اذا الفكره وصلت
يعني لاتلتزمين مثلا فنجان ولا فنجانين ولا هالامور
انا امي للحين تتطعم الجاي وتشوف تزيد شكر ولا لا
الشاي : أحط فنيان سكر فالإبريق أو الجدر وخليه يذوب شوي بس انتبه لا يحترق ثم أضيفي عليه 2 م ك " طعام " ، وعلى طول أضيف الماي أكثر عن قياس الدلة بنص كوب تقريبا وخليه يغلي 15 دقيقة تقريبا ، ولما تشوفين خفت نسبة الماي أضيفي حليب أبو قوس وخليه يغلي براحته على نار هادية …
الإضافات للشاي : زعفران مع هيل وقت الغليان أو زنجبيل مبشور فقاع الكوب أو يكون بنكهته بدون أي إضافات …