طالعين رحلة البر شو اسوي

السلام عليكم ورحمه الله…

حبيباتي …نحن طالعين رحلة..بنات في العشرينات…شو تقترحون ناخذ اكل معانا حق العشا والعصر…

وعليكم السلام ورحمة الله وبركاته،،، أختي خذوا وياكم حق فوالة العصر فواكه ، كرواسون، عصيدة، بلاليط، مكسرات، ودلة حليب ودلة شاي ودلة قهوة، وحق العشا أخذوا لكم مشاوي واشوا هناك وإذا ما تبون خذوا جاهز…… وان شاءالله تستانسون في الرحلة

مشكوووره حبيبتي..

هلا اختي ممكن تاخذون مكسرات وحب و جبس ومشروبات غازية وهالسوالف والعشا احلى شي للبر المواشي..

وانا بعد باجرر طالعه للبرر انا وريلي ..

وباخذ للغداء دياي وروبيان وطبعا بنشوي هناكي
وطبعا حلويات وجبس ومكسرات والعصاير واكيد الجاي والقهوه ع اليمر بنسويه وبث هع
وان شاء الله تستانسون ونستانس

هلا اختى اخذى وياج العصر خبصة ا طحين مع حليب زعترقهوة حليب كرك و العشاء سو ى قرص البدو مع سمن عربى

مشاوي وماكولات بحريه