ممكن تقولولي كيف اتبل الدجاج
ابغي اتبله عشان يعطي طعم ويكون لذيذ
نحن دوم نستخدم هالبهارات ^^
خدى بصل وثوم الكميات الى تبينها وخلطيهم فى الكيتشن وياهم جنجر فريش وخلطى وبعدها ضيفى النعنع الاخضر الفرش كميه عشان يستوى حلو وبعدها طماطه كبيره خلطيها وياهم
وبعدين هالخليط حطى عليه البهار كله الى تبينه وياملح وفلفل وان بغيتى حاره ضيفى لهم كتشب حار ماحبيتى خلاص
كافى كتشب عادى والليمون خليه عليهم وخليهم فى الثلاجه لمده ساعتين وبعدها على الفرن الغاليه
ولاتنست تدعينلى لانها بتعجبج
للرفع
<———————-
2 زبادي
كركم
جرفه (دارسين)
ملح
ثوم وزنجبيل
1 م طماط صلصل
وبهارات خاصه بالديااي
وبس ^^
– 1 ملعقه صغيره خل
– قشر ليمون مبروش
– زنجبيل مبروش طازج (انا احط الزنجبيل في الفريزر وكل ما احتجت طلعت وحده وقشرت بالسكين جزء منها ويبت المبشره (اللي تبشر) بيحتفظ بكميه كبيره من العصاره وهو متجمد) واخذ ما مقداره ملعقه كبيره
– شوية هيل وقرفه مطحونين
– بصله وحده صغيره مفرومه ناااااااعم + 2 فص ثوم مهروس (او تهرسينهم مع بعض بالخلاط الكهربا الخاص بالهرس)
– شوية ملح
– بهارات دياي او بزار البيت او بهارات مشكله
– 2 ملعقه كبيره روب
اول شي الخل وتدلكين فيه الدياي من داخل وبرا وكل الاجزاء عقب قشر الليمون عقب الزنجبيل عقب البصل والثوم عقب الهيل المطحون والجرفه المطحون (شوي ربع ملعقه صغيره) وعقب البهارات واخر شي الروب .. وكل مرحله لازم تكون مع التدليك وتوزيع الخليط على جميع اجزاء الدياي من داخل وبرا..
تقدرين تستغنين عن الروب اذا تحبين بس وايد احب الروب مع تتبيلة الدياي خاصه للمشوي.. وعموما انا اترك الدياي يتتبل 24 ساعه في الثلاجه (بس لازم اغطي المله)