هلا وغلا بناتااااااااااااااااااات
ابصراحه
انا يوم اسوي كيكه استخدم الجاهز …
و الحمد الله تضبط و اوكي
بس ابي مقادير كيك انا اسويها بنفسي ممكن ^^
و الطلب الثاني الي هي الكاااااااااااااااااااارثه
حاولت وحاولت وحاولت
وكل محاولاتي بءت بالفشل
كريمه الزبده ؟؟
ماعرف شو المشكله فيها
بنات ما قصروا طرشوا لي مقادير وطريقه عالخاص ما تبض عندي
تطلع ساءله ؟؟؟ و كلها ريحه زبده
امممممممممممممممممممم
ممكن تعطوني الطريقه
و ابي اعرف المقادير بالضبط
واي زبده تستخدمون ؟؟؟
لان مشكلتي الوحييده الكريمه
وان شاء الله الخبيرات يفيدونا ^^
وطبعا النكهه الي تحبيها
وانخلي الطحين مع البكن باودر
وخلطيه معه
واطبخيه في الفرن
6212 اغاثة الصومال 20 درهم
6215 اغاثة الصومال 100 درهم
ربي يوفقج أختي 
بخصوص مقادير الكيك
بعطيج الي كنا نسويها قبل يوم البزنس
وصراحـة أغلب زبوناتي خبروني ان الكيك جنه كيك المخابز مب بيت ( بروفيشنل )
الي كنا نسويه نحط نفس الكمية من الزبدة والطحين والسكر ,, نفس الكمية بالضبط
ونصف الكمية من البيض + الحليب والإثنين درجة حرارة الغرفـة ..
والطريقـة نفس طريقـة الكيك العادي
وبخصوص البتر كريم
غاليتي لا تسوينها في مكان حار
وإذا بتعصرين بإيدج جهزي ماي فيه ثلج اغطسي فيه إيدج بين الفترة والفترة
عسب المعصار ما يحر من درجـة حرارة الجسم ^^
والمكونات
نصف كوب زبدة بدرجـة حرارة الغرفـة ( بس مب غرفـة تحت الشمس لا يعني مكيفـة ^^)
ملعقـة ونصف من روح الفانيلا
كوبين سكر ناعم
ملعقتين بس حليب
والألوان الي تبغينها
امزجي المزيج بالهداوة ولا تستعملين الخلاط الكهربائي بيرهيها
شغلي إيدج شوية بسرعـة بسرعـة ويوم تسوينها حطيها في الثلاجـة 4 دقايق بس عسب الفانيلا تتحرك في الزبدة
وطلعيها ومثل ما قلت لج غرفـة مكيفـة عسب ما تسيح ^^
عن أبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ
: « مَنْ جَلَسَ مَجْلِساً كَثُرَ فِيهِ لَغَطُهُ ،
فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ :
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ
أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ »
6604 إفطار صائم 10 دراهم
6605 كسوة العيد 20 درهم
6210 صدقة عامة 10 دراهم
6602 رعاية معاق 10 دراهم
المشاركة الأصلية كتبت بواسطة ام_ابراهيم 
هلا وغلا بناتااااااااااااااااااات
ابصراحه
انا يوم اسوي كيكه استخدم الجاهز …
و الحمد الله تضبط و اوكي
بس ابي مقادير كيك انا اسويها بنفسي ممكن ^^
و الطلب الثاني الي هي الكاااااااااااااااااااارثه
حاولت وحاولت وحاولت
وكل محاولاتي بءت بالفشل
كريمه الزبده ؟؟
ماعرف شو المشكله فيها
بنات ما قصروا طرشوا لي مقادير وطريقه عالخاص ما تبض عندي
تطلع ساءله ؟؟؟ و كلها ريحه زبده
امممممممممممممممممممم
ممكن تعطوني الطريقه
و ابي اعرف المقادير بالضبط
واي زبده تستخدمون ؟؟؟
لان مشكلتي الوحييده الكريمه
هلا اختي
ههههههههههه مشلكتج وايد سهله وليش حاشره عمرج جيه الله يهداج
ومن قال في شي اسمه كيكه معتمده حبيبتي عالم الكيك وااااااااااااااااااااااسع وكل انسان وحسب مذاقه
يعني انتي جربي مثلا ابسط نوع الباوند كيك
كوبين طحين منخول
١/٢ملعقة صغيرة بيكنج باودر
رشة ملح
أصبعين زبدة دافيه بس موب ذايبة
كوب ونص سكر
٣بيضات على حرارة الغرفة
بشر ليمون
رشة فانيلا
١/٢كوب حليب على حرارة الغرفة
(طبعا كل شي بالأكواب المعيارية )
سخني الفرن على ٣٥٠ من تحت .
أدهني صينية كيك مالت الباوند كيك العادية اللي تجي مستطيلة بزبدة و رشيها بطحين وشيلي الطحين الزايد.
أخفقي الزبدة والسكر إلين يصير كريمي حوالي ٥ دقايق بالخلاط اليدوي أو ٣ بالخلاطات الكبيرة . بعدين أضيفي البيض وحده وحده بعدين قشر الليمون و الفانيلا . بعدين نزلي السرعة وأضيفي الطحين و الحليب بالتدرج وعلى دفعات متتالية ..
إن شاء الله فهمتي .. يعني قصدي تحطين دفعة طحين بعدين شوي حليب بعدين طحين بعدين حليب وكذا حوالي ثلاث دفعات بالكثير و أهم شي تبدأين وتنتهين بطحين… و طبعا بدون ما أقولج لا تزودين خلط أبداأبدا ..
صبي الخليط في الصينية بعدين أخبزيها في الفرن إلين يطلع عود منها شبه نظيف يعني مع شوي فتات كيك حوالي ساعة إلى ساعة وربع .
خليها تبرد على شبك بعدين أقلبيها وخليها تكمل تبرد.
وبس هذي الباوند كيك.
بالنسبه للبتر كريم
مايبالها بعد ههههههههه سهله صدقيني فديتج كل ماعليج
4 بياضات بيض .
كوب سكر .
454 جرام زبده دافيه ( تقريبا 4 أصابع ونص إذا كان الأصبع 100 جرام ) .
اول شي قطعي الزبده وهي بارده خليها برع مع حرارة الغرفه بتلين شوي مب تذوب
ابدأي بخلط السكر مع البياض انتي دخلي ملفي لاني منزله توه موضوع بقسم الحلويات كيفية خفق الميرانج البياض مع السكر عشان تستفيدين اكثر من الطريقه بس هني انتي بتخلين السكر والبياض يستوي على بخار ماي خفيف يعني تاخذين جدر كبير وتحطين شوي ماي تخلينه ع النار عقب تاخذين جدر اصغر يكون استيل مب بلاستك وتخفقين البياض مع السكر على البخار لاتخلينه يلمس الماي عقب اضيفي الزبده مكعب مكعب على درجه متوسطه اهم شي ماتكون الزبده حاره وذايبه تكون دافيه ومب بارده لانها بتتكتل
ع فكره هالكريمه من اشههههرررر انواع الكريمات اغلب المحلات يستخدموها تقدرين تحتفظين فيها بالثلاجه من 4 -5 اشهر بس ببرطمان محكم ولو بغيتي تستخدميه خليه شوي برع بحرارة الغرفه وخفقيه وبيكون سهل الدهن
ملاحظه الزبده انصحكم بفلورا او المارجرين يلي تكون بعلبه صفرا وشي نوع جدا ممتازه نباتيه لاتستخدمون الحيوانيه افضل بالنتيجه والنكهه لاني ما استغني عنها بكل وصفاتي
وبعد دخلي الخفاق الفريزر نص ساعه ^__^
وخلاص ^__^ ولاتزعلين روحج ههههههه ابي منج دعوه حلوة ^__^