جيف الحال خواتي
حبيت اعرض لكم صورة مشهية لدرجة انج ودج تدخليب فاللاب توب وتاكلينها من زود ماهي طيبة والشكل يكفي عيل شو خلينا للطعم
الله يسلمكم هاي الوالدة مسوتنه انا بس بحطي الصورة ( بذلكم عالطريقة ) واللي تبا الوصفة تراها وايد سهلة وتقولي بحطيها.. عالمنتدى ..
احم احم >> مادري مسوية غوزي خخخخخخخخخ
اوه جني غلطت عالوالدة خخخخ
اخليكم مع الطبق الفنتجييييييييييي اقصد الفنتكي هههه
>
>
>
>
>
>>>>
هالصحن حقي صح ^_________^ لو سمحتي طرشيه الحين بسررررعه ع الارامكس لوول
شهيتيني حسبي الله ع ابليسج …فديتج لو ماعليج امر بغينا طريقة الغوزي قصدي برياني السمج
وربي يحفظلج الوالـــده
واييييييييد حلو تسلم ايد امج الغاليه
مابااا واااايد بس لقمه وحده ،، أبااااااااااااااااااا
عطيني الطريقه ،، فديت روحج
وحبيها على راسهــا بالنيابه عني 
الله يحفظها من كل شر
ام عبادي 70 : وتسلم ايدج الغالية وانشاءالله مابذلج عالطريقة
مزيونة 1 : تسلمين يالغلا
3athaB : هههههههه لقمة بس خذي الصحن كله .. يفداج .. وانشاءالله ببوسها لج ..
وجاري كتابة الطريقة لكم ….>>>>>>>
أي نوع سمج..
بهارات ( ملح – فلفل – كركم – كزبرة – ثوم – زنجبيل – هيل – مسمار – عود قرفة )
2 حبة طماط
2 حبة بصل
ارز ( على حسب عدد الاشخاص )
صبغة العيش ( اصفر – احمر – برتقالي )
للزينة : حبة طماط – كزبرة طازجة
الطريقة:
1- تبهرين السمج وتملحينه وتقلينه بالتاوة وتخلينه على يم..
2- حطين ف جدر عميق البصل وتخلينه يحمر شوي وتضيفين الفلفل – الكزبرة – الثوم- الزنجبيل – الهيل – المسمار – عود القرفة – الملح – الكركم وتخلطين وتضيفين كوب ماء تخلينه يفور وبتلاحظين انه الطماط بدا يذوب ويفور شوي وخليه لين ما ينشف نص الماي اللي فيه..
3- وطبعا وقتها بتكونين مخلصة العيش يعني مستوي ومخلص..
4- انتبهوا هنيه – اول شي تاخذين نص الصلصة اللي فالجدر وتحطينها ف طبق عميق صغير على جنب وتصبين نص العيش وتحطين صبغة العيش و بعدين اتييبين الصلصة وتحطينها فوق العيش وبعدين نفس الشي اتصبين العيش والصبغة و اخر شي تضيفين الصلصة .. وخلي منها شوي للزينة
5- وقت التقديم .. تخلطين العيش وبتلاحظين السالفة تلبخطت فوق حدر الصلصة والعيش وبيطلع شكله حلووووووووو مرة..
6- تحطينه ف صحن التقديم وتحطين السمج فوقه وتحطين الصلصة اللي خليتيها قبل وتحطينها فوق السمج وتقطعين طماطة لمربعات صغيرة وتنثرين فوقه و بعد تنثرين كزبرة فوقه واذا حابة بصل ابيض قطعيه حلقات صغيرة و سوي بطاط مقلي ( بس بطاط طازج مش مال الثلاجة لانه طعمه يطلع احلىىىىىى وجنان ) .. وتوته توته خلصت الحتوته..
والوالدة تقول هني وعافية ع قلبكن..