السلام عليكم …
هاي اول مشاركه لي عندكم وان شاء الله ماتكون اخر مشاركه …
هاي اول مشاركه لي عندكم وان شاء الله ماتكون اخر مشاركه …
البارحه سويت الغدا معكرونه ملونه مع الدياي وفي بنات قالوا يبون الطريقه …
فقلت بنزل الطريقه هني …
————–
صوره الوجبه بتصويري :
معكرونه الدياي
اول شي طلعت صدور الدياي وحطيتهم في جدر فيه ماي يفور عشان يستووون .. تقدرون تستخدمون ديايه كامله .. بس لاني دوم اشتري الصدور لان انحب الصدور اكثر من الورج فليش اشتري ديايه كامله …
المهم لين يستوي الدياي اييب الطماط والبصل .. وافرمهم << انا افرم كل شي لانه بيخليهم يذوبون واتحسين الطعم يكون الذ …
اول شي اييب بصله متوسطه او صغيره واقطعها الى 4 اجزاء (ماحط وايد بصل فالاكل مادري ليش في كل اكلي بس احط حبه لووول ) وماعندي ثوم وما اشتري لان كل ما اشتري استخدمه مره وعقب يخترب فماقمت اشتري … المهم احط البصل فالفرامه (عندي الفرامه الصغيره ) …. وعقب احطه على صوب … واييب الطماط على حسب انتي كم حبه تبين انا بالعاده استخدم من 3 الى 4 حبات يكون حجمهن وسط او 3 كبار … المهم يكونن لينات فيهن ماي يعني … وافرمهم شرات عصير الطماط يستوون واخليهم على صوب ..
اخذ بطاطه متوسطه او حبتين على حسب تبين وايد او شوي .. واقطعهم الى شرايح وبعدين الى مربعات صغيره … لازم اقطعهم صغار عشان يستوون مع الصوص .. لان اذا قطعتيهم قطع كبيره بيطول لين يستوي وبينشف الصوص .. الا اذا تبين قطع كبيره فوريهن قبل لا اتحطينهن فالصوص …
احينه حطينا كل هالمكونات على صوب ..
هيه صح لا تنسون البقدونس والكزبره .. قطعوهن صغار او افرموهم بعد < قلت لكم كل شي عندي بالفرم لوول
لين انخلص ها كله بيكون الدياي استوى .. انطلعه من الماي … واقصصه .. تبين مكعبات ولا تبين شرايح مثل ماسويت على كيفج ….
انا شو سويت … يبت البلاستيكه اللي انقص عليها السلطه .. ومسكت الصدر بالسجين وبالشوكه في ايدي الثانيه يلست اسحب الدياي باتجاه الالياف .. لين خلصت كل الصدور …
احينه مكونات الصوص كلها جاهزه …. نييب الجدر اللي بنسوي فيه الصوص … انحط خاشوقه زيت او خاشوقتين .. وانخليه يسخن … انصب فيه البصل واحط فوقه شويه ملح وبودره زنجبيل << هالحركه تعلمتها من قناه فتافيت يقولون ريحه البصل ما تطلع والطعم يتم فيها … وصدق ما يستوي فالبيت ريحه بصل ولا شي …
اول ما انشوف البصل ذبل وصار لونه على بني (مب تخلونه يحترق ) …. على طول حطوا الدياي واتحوسون فيه شوي عشان يحمر الدياي … عقب اتحطون البطاط والطماط والبقدونس والكزبره … واخلطوهم زين مازين ..
احينه حطوا البهارات من ملح وفلفل اسود وكمون وكركم (انا احط بعد بزار ) .. ومعجون الطماط وشويه ماي يعني تقريبا نص قلاص ماي او ثلاث ارباع عشان الصوص يكون شويه سايل … مب اتسوونه شوربه ولا صالونه .. لوول …
وتخلطونه لين كل شي يختلط في بعض واتسكرون راس الجدر واتخلونه يستوي على نار هاديه شوي ..
لين يستوي الصوص يبو جدر ثاني حق المعكرونه … اترسوه ماي وحطو فيه ملح وخاشوقتين زيت وخلوه عالنار لين يفور الماي .. لازم اتشوفون فقاعات طالعه من الماي عقب صبو فيه المعكرونه …
وعالقوطي مال المعكرونه بيكتبون لكم كم المده الي لازم اتفورونها فيه … ضبطوا ساعاتكم على هالوقت مثلا 8 دقايق او 10 دقايق …
واول ما اتصبون المعكرونه حوسوا شوي فيه عشان ما يلزقون في بعض .. وخلوه عالنار لين يستوي .. صفووووه من الماي .. وبيكون الصوص استوى …. يبو الجدر اللي كان فيه المعكرونه وفرغتوه وصبو شويه من الصوص يعني نصه تقريبا وحطو نص المعكرونه فالجدر واخلطوهم زين مازين .. عقب كملو باقي المعكرونه وباقي الصوص واخلطوهم وسكروا الجدر وخلوه على نار هاديه لين يتسكر …
وبالعافيه
واذا عندكم اي استفسار لا تستحون وانا بالخدمه ^__^
ماشاء الله شكلها مشهي .. تسلم الأيادي..
تسلـــــــــــــــــم ايدج الغالية
يم يم يمـــــــــي
ســــــــــــــلمت الايــــــــــــــادي
يااااااي جان اتشجع كل يوم بطبخ لكم عيل لووول
تسلمون فديتكم عالتشجيع
وااااو ما شاء الله عليج
شكلهاا لذيييذ ^^