دشوا يمكن تأخذون فكرة و اتطبقونها :]

سويت عيش صيني بس من غير الربيان
طلع روعة .. سلقت الدياي و قليته مع بصل و صماغ و كمون
و العيش فورته مع كركم .. و من استوى نص لين خلطت الخضروات المشكلة و الدياي و البيض المقلي بعد
و بس .. خليت الجدر على النار لين ما استوى لين

بلاليط بالحليب ..
حمرت البلاليط
و فورت الحليب مع شكر و زعفران و هيل
و بس !

يوم صورت الحليب كان ناقص شوي ..و نسيت اقول انه يوم حمرت البلايط ضفت رينبو شوي

و هني سمجة ريلي العجيبة ..
حطيت زبيب و شرايح ليمون و ملح و فلفل اسود و زيت زيتون و شبت .. الشبت وايد لعب دور في الموضوع !

سويت شاورما ..
الدياي قليته شوي مع صماغ و كمون و بقدونس و بصل
و على صوب الصلصة اللي هي ثوم + طحينية و روب و المخلل مقطع مكعبات (مب مبين لانه مغمس في الخلطة)

و هني وقت التقديم .. سخنت الخبز .. و كنت مسوية عصير ليمون مع النعناع و كريم كارميل (الجاهز) بس ضفت زعفران فوقه

و هذا البرياني على طريقة "مرحباني"
مرت سويت اللحم و مرة دياي بنفس الطريقة . انا حبيت اللحم اكثر و ريلي حب الدياي اكثر

هني كنت مسوية سويت .. اشتريت مانجو ايسكريم من الدكان .. و بعدين صبيت عليه اللي مبين في البايركس ..
و هو حليب محلى و حليب فريس و هيل و زعفران و نشاء (عشان يجمده) و حطيت فستق فوق