أبا اسوي ربيان

ا

حبيت اشارككم بطبخة سهلة ولذيذة ..

يم يم ..

تنفع حق اللي مب شاطره وايد في الطبخ .. وتنجح من أول مره ..

سويها مره … وشوفي ان ماطلبها ريلج مره ثانيه .. ^_*

من حلاتها اتحسين عمرج في مطعم هندي … ارييييي فاااااه

خخخخخخ ..

اخليكم مع الصور ..

وهذي هي الطريقة :

المقادير : – ربيان ( طبعا اتقشرينه واتنظفينه واتبهرينه بالفلفل الاسود وشوية ملح وعصير ليمون وتخلينه 10 دقايق) أنا استخدمت اللي حجمه كبير شوي بتلاحظون حجمة في الصور وسويت 10 حبات بس .. تكفيني أنا وريلي ^_*
– 4 حبات زبدة صغيرة ..
– 1 بصلة مفرومة فرماً ناعماً..
– 2 إلى 3 فص ثوم مدقوق ..
– شوية زنجبيل طازج مبشور .. تقريبا ملعقة كبيرة وحده
– ملعقة كبيره كاري + ملعقة كبيره تندوري ماسالا ..

– 4/3 ملعقة كبيرة طحين ..
2 إلى 3 ملعقة كبيرة مسحوق حليب جوز الهند مذوب في نص كوب ماي ..
1 مكعب ماجي ..
2 كوب ماي ..
عصير ليمون ..

في البداية نذوب الزبدة في الطابي ..

وانظيف البصل والثوم ونخلية لين يذبل ..

وعقب نحط الزنجبيل والطحين والكاري والتندوري ماسالا .. ونحرك باستمرار .. لمدة دقيقتين ..

انصب الماي ونتابع التحريك لمدة دقيقة..

وعقب انحط حبة ماجي …. بس في البداية لا تحطينها كامله .. يمكن تطلع مالحه وايد .. عشان جي حطي نصها بس وبعد ماتذوب الماجي زين اطعمي الصالونه واذا يبالها زياده حطيها..

وبعدها صبي حليب جوز الهند باستخدام مشخاله صغيره عشان ماتنزل معاها الكتل اللي تكونت ..

عقب انضيف الربيان … ونغطي عليه لمدة خمس دقايق … ونجلب الربيان على الجهه الثانية ونخليه بعد مدة 5 دقايق .. أو لين ينضج الربيان ..

انضيف شوية عصير ليمون وتكون الصالونة جاهزة … ^_^

وتقدم مع عيش ويفضّل اللي تكون حبته كبيرة .. وبالعاااافية على قلووبكن ^_*

والسموحه على التصوير التعبان … تصوير موبايل ^_^ ومال وحده مستعيله ..

بس المهم اني اوصللكم الطريقه ..

ولكم مني أحلى تحية ..

أختكم

((هيومه))