ع الغدا سويت حشو روبيان مع عيش ابيض جربوها وان شاءلله بتعجبكم
نحط كيلو او كيلو ونص روبيان نغسله عدل وننظفه ..
نحط مقدار 4 بصلات نقطعهم صغار ونبشر ثوم وزنجبيل طازج ونخليهم على جنب
نجيب المقلا ونحط به دهن ونحط البصل عليه لحد ما يشقر البصل نضيف الروبيان
ونخليه لحد ما نشوف السائل بدا ينشف تقريبا نحط الثوم والزنجبيل وورق غار
ومشكل بهارات حب على حسب واختياري ايضا … ونهدي ع النارونخليه
ربع ساعه ونحركه كل10 ثواني لحد ما نشوف ان ريحه الزفره طارت تقريبااا
نضيف البهارات ونخلطهم جيدا تقريبا ربع ساعه وعلى نار هادي جدا
نضيف البقدونس المفروم مع الكزبره على الروبيان
يتبع
الطماطم يذوب مع الخلطه وع نار هادئ ايضااا ..، مده ربع ساعه ولحد ما يستوي العيش
نص استواء ..
نشخل العيش ونجيب الجدر نحط ملعقتين زيت بقاع الجدر ونحط نص مقدار العيش
ونسكب الخلطه عليه ونضيف باقي العيش ونحط فوقه زيت ومعاه نص ملعقة سكر لون زعفران
ونسكر عليه ونخليه مدة نص الي 45 دقيقه ع نار متوسطه وعقب نار هادئ لحد ما يتبخر و
يستوي العيش .. ونقدمه بالف عافيه
احلا شي عندي برياني الربياااااااااااااااان
بالعافيه على قلبج ^^
تسلميييييييين