شحالكم بنوتات عساكم بخير
اليوم يبت لكم طريقه شاورما دياي بطريقتي
وايد احبها طعمها لذيــــــــــــذ 
.gif "12 (70)")
بشرح لكم الطريقه على طول ومع المقاديـــــــــــــــر
.
.
.
.
اول خطوه اطلعين الدياي الصدور وتغسلينها عدل وبعدها اتقطعينها طوال او على كيفج
وبعدها اتبلين الدياي بـ روب + فلفل اسود + ملح + شويه خل + وليمون
الافضــل تكثرين الروب والليمون ^^
وعقب تحطيها بالثلاجــــــه لمده ساعتين او اكثر
وبعد ما اتمر هالساعتين
حمري البصــل والثوم (( سوري نسيت اصور هالخطوه ))
اتحطين الدياي على النار فوق البصل والثـــوم
اتطبخين على نار قويــه
اهني يوم حطيته يطبخ
وبعدها خليه يطبخ لين مايستوي الدياي
وقلبيه كل شــويه
لين مايستوي استغلي الفرصـــه وقلي البطاط يفضل يكون فرش مب مثلج ^^
واهني الدياي يوم بدا يطبــــــــخ
وبعدها……..
اتقلين البطاط و اتخلينه على صــــــــــوب
والحين يا دور الصوص
وعباره عن ( مايونيز + جبن كرافت السائل + قشــطه )
وتخلطينهم مع بعــــــض
الحيــــــــن الطريقه الاهم
اذا تبين الدياي يستوي طعمه كـــأنه مشوي ^^
يوم يطبخ الدياي ويخلص طفي النار عنه
وبعدها فتحي فتحه فالنص بين الديـــــاي
وتحطين فنيان قهوه و بالفنيان حطي زيت زيتون شويه و قطعه بصلـه
واتسوين فحمه ..
وبعد ماتستوي الفحمه على طول حطيها فالفنيان و على طول سكري الجدر بقصديـــــــر
وخليه تقريبا 5 دقايق
وبعدها هاتي صينيه البايركس و صفي البطاط و عقب الدياي
وعقب حطي فوقها الصوص الي سويته
وحطيها فالفرن على درجه حراره عاديه ومن فوق بس اتشغليـــنه
واتخلينه شويه لين تحمر من فوق ^^
واهني شكلها يوم بدت تحمــــــر ^^
وحلاته تاكلونها مع خبــــــر ايراني وبيبسي .gif "12 (40)")
يم يم
وبالعافيه عليكم
ما شاء الله شكلها سهله
ثانكس فديتج و بالعافيه ^^
وطريقتك مررة سهلة
تســــــــــلم الأيادي ياقمر
والله يعطيكي العافية
.
.
.
مشكوره ع الوصفه ختيه ^_^