حلى الاولكر بالصور .

الســـــــلام عليكــــــــــم ورحمـــــة الله وبركاتــه
الغاليات اشحالكن…؟؟
يبت الكن مقادير حلى كاكاو اولكر حصلته في مجله حلويات العيد
جربت الطريقه وصورته..
والصرااااحه الطعم روووووووعه بشهاته كل اللي ذاقوه اشكرهم
تشجيع ومديح من الخاطر…
بعطيكن المقادير اللي خذته بس انا لاني كنت اجرب سويت نص المقادير..
بسم الله..
المقادير :
بسكويت اولكر 200غ 1كوب حليب سائل
2كوب حليب بودره 1.5 كوب سكر
1 قالب زبده 1 قشطه (كي دي دي)
1.5نص علبه حليب مركز 12قطعه جبن كيري
كاكاو اولكر حسب حجم الصينيه
بودرة قهوه نسكافيه

الطريقه :
1.. نغمس البسكويت بالحليب السائل ونصف 2طبقتين في البايركس
2.. نحمص الحليب الباودر لين يصير لونه ذهبي
3..نخلط السكر مع الزبده والقشطه بالخلاط الكهربائي ونضيف له الحليب المحمص ونسكب الخليط على البسكويت طبعا يكون خلطه كثيفه شوي
4.. نضيف قطع الكاكاو على الخليط

5..نخلط بالخلاط الكهربائي الحليب المركز مع جبن الكيري لين ما يستوي خليط متجانس ثم نسكب القليل منه على كل قطعه كاكاو

6..وبعدين نرش عليه بودرة القهوه

7.. بعدين نحطه في الثلاجه حتى يجمد ويقطع وحطي في اوراق الكيك وقدميه..

8.. عليكـــــــن بالعافيـــــــه..
عاااااااد لاتنسونـــي من دعواتكـــــــن..

تسلم ايدج عالسويت اللذيذ وانشالله راح اسويه والله اوفقج عزيزتي ^_^

تسلم ايدج يالغاليه

تسلم يمناج ال.ر..ي..م الله يعطيج العافية ..

اشكركن الغاليات ع مروركن الطيب

يا سلام ما عليه كلام فديتج في أنتظار يديدج