شحالكن بنات؟؟شخباركن؟
مبروك عليكن الشهر و الله يتقبل صلاتكن وصيامكن …
المهم….. اليوم يبتلكم طريقة كيكة البرتقال….لذييييييييييذ
المكونات:
2 كوب طحين
1 كوب سكر
1 كوب عصير برتقال فريش
2 م ص فانيليا
1م ك بيكنج بودر
3/4 كوب زيت
4 بيضات
الطريقة:
نخلط البيض والسكر في الخلاط لين يصير لونه فاتح شوي ونحط الزيت والفانيليا وعصير البرتقال ونخلط..بعدين نضيف الطحين والبيكنج باودر ونخلط لين يتماسك الخليط
انصب الخليط في صينية وندخله الفرن على درجة 130-140 تقريبا ربع ساعة ..
التزيين:
نخلط في الخلاط كيس دريم ويب +2 جبن كيري+ 3 م قشطة+فنجان حليب بارد +2 م حليب مكثف محلى(الحليب المحلى حطيت ملعقتين بس لأني ماأحب السكر وايد في الكريما وانتوا كيفكم إذا بتزيدون)
ونزين بالفواكه.
و هني وعافية
شكل الكيكة غاوي 
بس ربع ساعه فالفرن مايكفي ؟؟؟؟؟
ان شاء الله بجربها ^^
وجربوها وااااااااااايد حلوة وخفيفة….
مياسوه,,,,, ربع ساعة تكفي ..الكيك إذا خليتيه وايد بالفرن يطلع ناشف ويابس
وعشان تتأكدين إذا خلص ..دخلي سكين أو عود الأسنان في الكيكة إذا طلع العود نظيف معناته الكيكه خلصت