المقادير
كوبين ونص دقيق
250 جرام زبده بحرارة الغرفه
نص ملعقة صغيره بكنج باودر
بيضتين
وفانيليا
كوب سكر مطحون
وكوب نشاء ابيض
الطريقه
نضرب البيض مع الفانيليا بالمضرب اليدوي الين تتجانس وبعدها اضيفي الزبده والسكر بالتدريج
ونستمر بالتحريك الين تتجانس تمام وبعدها نكون مجهزين الدقيق والنشاء والبكنج باودر ونضيفها للخليط ونعجنها لحد ما تتماسك وتكون عندنا عجينه مرنه وسهلة التشكيل
وأكيد اهم شي هي الة عين الجمل
وهذا شكلها مع العجينة
نكورها كور صغيره على قد حبة العنب ونرصها بال أله ونتركها الين تستوي
ونخرجها بهدؤ لانها بتكون طريه وهشه تتكسر بسرعه
وهذا شكلها بعد ما انتهيت منها
ني للتوفي
هاتي حليب نستله وشيلي منه الورقه وحطيه بجدر الضغط مع ماي لمدة نص ساعه
واتركيه يبرد وافتحيه صار عندج توفي جاهز
نحشيها بالطريقه هذي
الين تنتهي الكميه
وعليكم بالعافيه
وهذا شكلها النهائي
ماشااء الله روووووعه ومرتبه
يعطييج العافيه الغلااا
خاطري اسويهاا بس ماعندي الجهااز
يشرفني انج تكونين اول رد ..
بصراحه انا مانزلت الطريقه الا لاني حبيت افيد البنات بطريقة التوفي لانها سسسسسسسسهله خخخخخخخ
ادريبني عيازة احب الاشياء السهله
وتسلمين على الطريقه
وين ممكن نحصل الجهاز…
المشاركة الأصلية كتبت بواسطة ام عبادي70 
وتسلمين على الطريقه
الله يسلمج حبوبه
المشاركة الأصلية كتبت بواسطة Adorable_Chic وين ممكن نحصل الجهاز…
الله يسلمج حبيبتي
والله انا ماعندي فكره من وين لان ياييني هديه