هلا خواتي في الله شحالكم..
لا اريد الاطاله عليكم بالموضوع
قبل فتره احتفلت مع زوجي بمناسبه سعيده بينا ولله الحمد كنا سعيدين وامورنا طيبه
وفي الليل حلمت احد عماتي تقول لنا في الحلم (صابكم وتضحك علينا)
قمت وانا مفزوعه ولم اهتم واستعذة بالله من الشيطان
المهم
في اليوم الثاني هذه العمه اللتي رايتها بالحلم معنا في الجهه الاخرى من البيت علمت اننا كنا محتفلين وكيك وهالسوالف وكل شوي تقول اوووه احتفلتو اوووه ماخليتولنا اووه اثرك تحبين زوجك
وفي الليل شافت زوجي بيطلع يلعب بالصاله الرياضيه
قالت غررريبه كيف بيروح يلعب راضه وهو مايطيع من قبل
قلت لها يمكن اعجبته البدله
وهني قعدت تحسدنا وتعلق تعليقات
وفي نفس اليوم طلبت من اخوي يشتري لي تلفون
وياب لي تلفون مستعمل اشتراه من ريال شيبه قدام محل التلفونات لقاه يبا يدخل يبيع تلفون قال اخوي انا بشتريه منك لانه بصراحه سعره مناسب كان
قال له الريال خلاص يفداك بس داخله البطاقه ماعرف اخرجها وخلاص كنسلناها قطعناها كان التلفون استعمال عيالي وبناتي للبيت
وخلاص انتهت السالفه
التلفون مب مفرمت وبعده كانت الاسماء مخزنه به
يابه اخوي قال حطيه وبكره بيي باخذه وبوديه ايفرمتوننه لان هذيك الحزه ماكان عنده فلوس قلت خلاص
وحطيته بشنطتي
وبصراحه ماخبرت زوجي
لاني اعرفه دايم مايصدقني بهالامور
ثاني يوم زوجي لقى التلفون واول مافتحه قعد يطالعني وقال لي من فلاان وفلان
لاشعوريآآ اتنرفزت انا!!
وسحبت التلفون وكسرته وماقلت له اخوي اشتراه ماباه يحاسبه
قلت له اشتريته من النت
المهم زوجي مش مصدقني ويظن التلفون اني استعملته والاسماء اللي فيه يحسبني اعرفهم ويظن اشياء كثيره
والحين خبرته انه اخوي اشتراه لي وقلت له اسال اخوي ماطاع ومب مصدقني
ساعدوني ساعدوني خواتي احس اني بنفجر وماعندي حد اتكلم له غيركن!!
الصدق ينجي كان قلتي له اخوي اشتراااه ..مافيها شي ويخبره وتفاهم ويااه ..
الله يهديج يوم كسرتيه ..بتاكدين له شي من ولا شي الله يصلحج
وان شاء الله شي بسيط ولا تحطين شي في بالج من سحر او غيره
هاي مشكله صغيروونه باذن الله بتنحل
حبيبتي خبري اخوج بالموضوع وخليه يكلمه ويتفاهم وياه .. لانه جي بيتم يشك فيج ..
الله يهديكم ويصلح بينكم ويوفقكم ..
و لا تخافين حبوبة هذي مشكلة وبتعدي ان شاء الله
و احسن لو تقولين لاخوج يتفاهم مع ريلج يكون افضل عسب ما يظن فيج ظن السوء
لما عرف كسرتيه شككتي به بحركتج الحين الي صار صار لو بعده التلفون يتصلح صلحوه
وخليه يتاكد بنفسه وكلمي اخوج وقوليله الموضوع وعسى خير وصلي صلاة حاجه وادعي
ربج وحسبي الله على كل حاااااسد ونصيحه علاقتج بريلج حاولي محد يعرف عنها شي